Takgalhtawakga 3
¿Tiku Jesucristo?
¿Tuku xlakata limapakuwikan Jesús xapulana xKgawasa Dios? (1)
¿Tuku xlakata limapakuwikan «Tachiwin»? (1)
¿Tuku xlakata la chatum chixku kichincha Jesús unu kKatiyatni? (2-4)
¿Tuku xlakata Jesús tlawalh tuku xatlan nilay tamakanajlay? (5)
¿Tuku natlaway Jesús nialh makgas? (6)
1. Akxni niʼaxmin Jesús kKatiyatni, Jesús xlamacha anta kʼakgapun, chatum xaespíritu xwanit. Wa xapulana xtatlaw Dios; wa xlakata wanikan «xakgasia» o xapulana xKgawasa Dios (Colosenses 1:15; Apocalipsis 3:14). ʼukxilhtit wa lantla Dios wanti ni la taʼukxilha. Wa nCristo wa nti xakgasia xwija lantla xlipaks ntamalakatsukun ntu anan». Kaj watiya Jesús akxni Jiova tlawalh nitiku makgtayalh. Akxni Jesús niʼaxmin unu kKatiyatni, Jiova limaklakaskilh xapuxku kskujni akxni tlawalh paks o wakg amakgapitsi tuku anan kʼakgapun chu Katiyatni (Proverbios 8:22-31; Colosenses 1:16, 17). Dios na limaklakaskilh xapuxku xchiwina. Wa xlakata limapakuwikan «Tachuwin» (Juan 1:1-3; Apocalipsis 19:13).
2. Dios makamilh xKgawasa unu kKatiyatni akxni matitaxtilh xlatamat xKgawasa anta kxpan María. Wa xlakata Jesús ni kgalhilh xtlat xalak Katiyatni; wa xlakata ni makglhtinalh talakgalhin. Akgtutu tuku xlakata Dios limakamilh Jesús kKatiyatni: 1) ʼakgtum xlakata nakinkamasiyaniyan tuku xaxlikana xlakata Dios (Juan 18:37), 2) ʼakgti xlakata tuku tlawalh nikxni makgatsankganilh Dios chu chuna kinkawilinin liʼakxilhtit chuna la tlan akinin kilitlawatkan (1 Pedro 2:21) ʼukxilhtit, lakin pi nastalaniyatit lantla ntlawanit». chu 3) ʼakgtutu xlakata namakamastay xlatamat xlakata xkinkalakgmaxtun ktalakgalhin chu klinin. ¿Tuku xlakata xtalakaskin uma tamakamastan? (Mateo 20:28.)
3. Akxni nialh kgalhakgaxmatli Dios, xapulana chixku, Adán, tlawalh wantuku Biblia limapakuwi talakgalhin. Wa xlakata Dios wanilh pi xʼama niy (Génesis 3:17-19). Xlakata niaj xmakakchan tuku kskin xtamapakgsin Dios, lakgalhina litaxtulh. Tsukulh kgolon, chu chalh kilhtamaku nilh. Adán kamatitaxtinilh talakgalhin putum xkamanan. Wa xlakata na kgolonaw, tatatlayaw chu niyaw. ¿La tlan xkalakgmaxtuka kristianos? (Romanos 3:23; 5:12.)
4. Jesús ni xkgalhiy talakgalhin, chuna la Adán xwanit. Pero Jesús kgalhakgaxmatnilh Dios ni lakomo Adán, maski akxni xkgalhiy xalanka xtaʼakglhuwit. Wa xlakata Jesús tlan makamastalh xlatamat nema nixkgalhiy talakgalhin xlakata kxtapalh xtalakgalhin Adán. Akxni Biblia lichiwinan uma tuku makgantaxtilh Jesús, waniy talakgmaxtut. Wa xlakata xkamanan Adán tlan xkalakgmaxtuka klinin. Kristianos tiku kanajlanikgoy Jesús tlan nakatapatikan xtalekgalhinkan chu namakglhtinankgoy latamat nema ni kgalhi xlisputni (Juan 3:16; Romanos 5:18, 19; 1 Timoteo 2: 5, 6).
5. Akxni Jesús xminit unu kKatiyatni, kamakuchilh tatatlanin, kamawilh tiku xtsinksmakgolh, chu makaksalh akxni xsenama chu xʼunama. Chu na kamalakastakwanilh tiku xnikgonit. ¿Tuku xlakata tlawalh tuku xatlan nipara lay tamakanajlay? 1) ʼakgtum Xlakata xkalakgalhaman kristianos tiku xpatinamakgolh chu xkamakgtayaputun. 2)ʼakgti Wa nema tlawalh tuku xatlan nilay tamakanajlay limasiyalh pi xKgawasa Dios xwanit. 3)ʼakgtutu Masiyalh tuku natlaway xlakata kristianos tiku xakgalhakgaxmatninanin akxni namapakgsinan unu kKatiyatni (Mateo 14:14; Marcos 2:10-12; Juan 5:28, 29).
6. Jesús nilh, chu Dios malakastakwanilh maxkilh xmakni xaespíritu chu taspitli kʼakgapun (1 Pedro 3:18). Titaxtulh kilhtamaku Dios Mapakgsina tlawalh. Jesús niaj makgas namasputuy tuku nitlan chu tapatin xlikalanka Katiyatni (Salmo 37:9-11; Proverbios 2:21, 22).
[Dibujos xla página 7]
Jesús xminit masiyay xlakata Dios, tlawalh tuku xatlan nilay tamakanajlay chu nikaj watiya, na makamastalh xlatamat kimpalakatakan