¿Kinkamakgxtakgnitan Dios?
11 xla septiembre kata 2001. Tsisa 8:46, akgtum avión wi niku mincha chu masputulh akgtum torre nema xwi knorte xla World Trade Center, kkachikin Nueva York. Chu alistalh amakgapitsi aviones nachuna tlawakgolh uma tuku nitlan chu kaj 102 minutos max akgtutu mil latamanin nikgolh.
26 xla diciembre kata 2004
Anta kʼocéano Índico tachikilh tiyat chu tlawalh pi talhman natakgayawa chuchut chu chalh kʼakgkawitu países, asta kmakgapitsi kachikinin xalak África nema wilakgolh 5,000 kilómetros xlimakgat. Kaj akgtum kilhtamaku kamakgnilh o ni katekgska 150,000 latamanin chu akgtum millón makgatsankgakgolh xchikkan.
1 xla agosto kata 2009 Chatum chixku nema xkgalhi 42 kata chu xkgawasa nema xkgalhi 5 kata, xʼankgo kxmoto nema matlawanikan kchuchut chu takankawakacha niku xwilakgolh barcos, xatlat nilh chu xkgawasa nilh lichali. Xpuxnimat wa: «Xaklakpuwanaw pi Dios xʼama makgtaya xlakata ni xnilh».
Akxni latamanin kgaxmatkgo tuku nitlan lama chuna la nema aku lichuwinaw o titaxtukgo tuku nitlan, minkilhtamaku tlawakgo umakgolh takgalhskinin: «¿Niku wi Dios akxni lakaskinaw nakinkamakgtayayan? ¿Ni akxilha tuku nitlan lama unu kkakilhtamaku? ¿Max nialh kinkakuentajtlawaputunan?». Chuna la naʼakxilhaw alistalh, Biblia masta xatakgalhtin chu lu tlan nalimakgkatsiyaw.
[Epígrafe xla página 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures