¿Tiku xwanit Jesús?
«Putum latamanin tanu tanu tuku lakpuwankgo xlakata [Jesús]. Putum, tiku kanajlanikgo Dios chu tiku ni kanajlanikgo, minit kilhtamaku kakgalhskinka tiku xwanit.» (STAN GUTHRIE, TSOKGNA)
LHUWA tiku katsiputunkgo xlakata Jesús. Wa xlakata lhuwa tasta libros, nachuna lhuwa tasta boletos xla películas nema lichuwinankgo Jesús. Pero latamanin chuntiya katsiputunkgo xlakata Jesús, chu lhuwa tuku lichuwinankan.
Nina makgas, chatiy periodistas kgalhskininankgolh kʼInternet: «¿Tiku xwanit Jesús?». Kaʼakxilhwi makgapitsi takgalhtin.
● «Max chatum rabino (tiku masiya xlakata takanajla) nema lu tlan xlikatsi chu lu xmakgtayanan.»
● «Chatum chixku la amakgapitsin pero tlawalh tuku nila takanajla.»
● «Nila katsikan komo xlikana latamalh.»
● «Wa xKgawasa Dios tiku lakachilh, nilh chu lakastakwanalh xlakata nakinkalakgmaxtuyan kintalakgalhinkan. Jesús lama la uku chu namimpara kKatiyatni.»
● «Klakpuwan pi kajwatiya xkgawasa Dios tiku lataman chu Dios litaxtu.»
● «Tiku lichuwinankan kcuento xlakata lakgkgawasan tiku laklankata.»
¿Xaxlikana putum umakgolh takgalhtin? Ni putum. Pero ¿niku tlan nakatsiyaw tuku xaxlikana xlakata Jesús? Tiku tlawakgo uma revista kanajlakgo pi Biblia xTachuwin Dios chu anta tlan katsiyaw tuku xaxlikana xlakata Jesús (2 Timoteo 3:16).a
Artículo nema mima naʼakxilhaw makgapitsi takgalhskinin xlakata Jesús nema tlawakgo lhuwa latamanin chu naʼakxilhaw tuku wan Biblia xlakata uma. Jesús masiyalh pi tlan nalakgtaxtukgo putum «nti nkanajlaniy» (Juan 3:16). Tlan xputsa takgalhtin nema masta Biblia. Alistalh tlan nalaksaka komo tlakg katsiputuna xlakata Jesús chu la tlan nakanajlaniya.
[Tiku tapakgsini fotografía xla página 3]
Niku xala fotografía talhman: © Angelo Cavalli/age fotostock; tutsu: © Alain Caste/age fotostock
[Nota nema wi kpágina]
a Tlakg nakatsiya xlakata uma kcapítulo 2 nema wanikan «Tatsokgni nema wi kBiblia xtalakapastakni Dios», xla libro ¿Tuku xlikana masiyay Biblia?, tlawakgonit xtatayananin Jehová.