Liputsan

Lhuwa latamanin lilakgaputsakgo xlakata tlan nakalakgapaskan k’uma xalixkajni kakilhtamaku. Uma artículo nalichuwinan tuku xlakata kajwatiya tlan nalilakgaputsayaw tlan nakinka’akxilhan Jehová: pulaktum nema kamaxki xlakskujnin. Nachuna na’akxilhaw la tlan kinkalimasiyaniyan pi tlan kinka’akxilhan akxni nitu kgalhkgalhimaw.

K’uma artículo, na’akxilhaw tuku xlakata Moisés makgatsankgalh talakgalhaman xlakata natanu kTiyat nema xkawanikanit pi Nakamaxkikan. Nachuna na’akxilhaw tuku natlawayaw xlakata nichuna nakinka’akgspulayan chuna la titaxtulh Moisés.

Putum akinin tapakgsiniyaw Jehová. Wa xlakata lakaskin pi kaj x’akstu nakakninaniyaw. Makgapitsi latamanin wankgo pi ni makgxtakgkgo Dios, pero nachuna ni kgalhakgaxmatkgo xlimapakgsin. Xapulana artículo wi tuku xlakaskinka nakinkamasiyaniyan xlakata xli’akxilhtitkan Caín, Salomón, Moisés chu Aarón. Xlipulaktiy nalichuwinan pulaklhuwa la tlan nalimasiyayaw paxtikatsinit xlakata kgalhiyaw talakgalhaman natapakgsiniyaw Jehová.