Tamakatsin
◼ Likgalhtawakga nema namakgpitsikan abril chu mayo: revistas Makatsinina chu ¡Despertad! Komo tiku tachuwinampat kgaxmatniyan, kamaxki tratado ¿Katsiputuna tuku xaxlikana? chu kalitsakgsa xlakata namatsukiya akgtum takgalhtawakga xalak Biblia. Akxni nakalakgpimparaya tiku katachuwinanitata, makgapitsi max wa tiku ankgo ktamakxtumit akxni lakapastakkan akxni tinilh Jesús o ankgo kaj makgapitsi tamakxtumit nema tatlawa kcongregación pero nina xtatayananin Jehová, kalakpuwanti nakalimakgalhtawakgeya libro ¿Tuku xlikana masiyay Biblia? Junio: libro ¿Tuku xlikana masiyay Biblia? Kalakapastakti namatsukiya takgalhtawakga xalak Biblia. Komo tiku tachuwinampat kgalhiya libro pero ni nalakaskin namakgalhtawakgekan, kamalaknuni maktum revista nema titaxtunita o maktum folleto nema nalakgati. Julio: folletos Tlan x’amigo Dios nawana chu ¡Wix tlan nikxni naniya chu xalipaxaw nalatapaya kKatiyatni!
◼ Lakgkgolotsin xalak congregación tlan lakgpalikgo Tamakxtumit xlakata xTaskujut Dios akxni tsankga akgtum semana nakgalhiyaw tamakxtumit xaʼakgtutu kilhtamaku xlakata nalichuwinankgo tuku kililakapastakatkan xlakata tamakxtumit xaʼakgtutu kilhtamaku nema namakgtaya congregación. Akxni akgtum o akgtiy papaʼ titaxtunita tamakxtumit tlan namaklakaskinkan taʼakgchuwin wantuku xlitlawat congregación xlakata naʼakxilhkgo wantuku lichuwinanka ktamakxtumit nema nakamakgtaya tiku lichuwinankgo Dios.
◼ Kʼpapaʼ mayo putum congregaciones namaklakaskinkgo xapulana sábado xlakata nalitsakgsakgo namatsukikgo akgtum takgalhtawakga xalak Biblia. Kʼrevista Makatsinina akagatunu papaʼ nawilikan akgtum serie nema wanikan «Wantuku masiya xTachuwin Dios», chu uma tlawakanit xlakata nakinkamakgtayayan namatsukiyaw akgtum takgalhtawakga. Xawatiya página xla likgalhtawakga La Natlawayaw Xtaskujut Dios akgatunu papaʼ nalimin la tlan namatsukiyaw takgalhtawakga xapulana sábado. Komo namin maktum revista Makatsinina ni nalimin serie nema wanikan «Wantuku masiya xTachuwin Dios», tlan nalimaklakaskinatit artículo nema limilh papaʼ nema titaxtulh. Akgum liʼakxilhtit, papaʼ mayo tlan nalimaklakaskinkan Makatsinina 1 xla abril kata 2011.