Tamakatsin

◼ Likgalhtawakga nema namakgpitsikan junio: libro ¿Tuku xlikana masiyay Biblia? Kalakapastakti namatsukiya takgalhtawakga xalak Biblia. Komo tiku tachuwinampat kgalhiya libro pero ni nalakaskin namakgalhtawakgekan, kamalaknuni maktum revista nema titaxtunita o maktum folleto nema nalakgati. Julio: folletos Tlan x’amigo Dios nawana chu ¡Wix tlan nikxni naniya chu xalipaxaw nalatapaya kKatiyatni! Agosto: Ki libro xla takgalhtawakga xalak Biblia. Septiembre: libro ¿Tuku xlikana masiyay Biblia? Kalakapastakti namatsukiya takgalhtawakga xalak Biblia akxni xlimakgtumku lakgpimpat.

◼ Akxni nalitachuwinana Dios chatum tiku chuwinan chino, kamasiyani folleto Naciones kpáginas niku wi chino tradicional (CH) chu chino simplificado (CHS) xlakata nakatsiyaw nema nalikgalhtawakgaputun. Latamanin xalak Hong Kong chu Taiwán lakgatikgo likgalhtawakgakgo chino tradicional (CH), pero tiku xalak China lakgatikgo likgalhtawakgakgo chino simplificado (CHS). Akxni namastaputuna maktum video kaʼakxilhti tukuya tachuwin tlakg akgatekgsa tiku tachuwinampat. Latamanin xalak China chu xalak Taiwán wa akgatekgskgo chino mandarín (CHM), chu xalak Hong Kong akgatekgskgo chino cantonés (CHC).