Lu kalichuwinaw tuku xaxlikana xlakata Jesús

Komo katsiniyaw liwana nakalitachuwinanaw amakgapitsi xlakata Jesús, tlakg nalichuwinamputunaw. Jesús xtachuna chiwix tiku xlikana tlan nakanajlaniyaw (Efes. 2:20). Nila xkgalhiw takgalhkgalhin xla latamat xliputum kilhtamaku komo ni wa Jesús (Hech. 4:12). Wa xlakata, xlakaskinka kiliʼakxilhatkan tuku lakgayawakanit Jesús kxtalakaskin Dios. Lhuwa kaliʼakgskgawikanit ni xaxlikana tamasiy xlakata Jesús nema ni takilhtinit kBiblia, ni katsikgo tuku xaxlikana chu uma natlawa pi ni namakglhtinankgo tasikulunalin nema Dios nakamaxki tiku kanajlanikgo Jesús. Xlakata lu lichuwinamputunaw tuku xaxlikana nakinkamakgtayayan nakamakgtayayaw latamanin tiku kgalhikgo tlan naku xlakata nakatsikgo tuku xaxlikana xlakata Jesús, tlan natalalinkgo Dios chu tuku lakgaya Jesús kxtalakaskin Jehová. Wa xlakata, ¿lu nalichuwinanaw xaxlikana xlakata Jesús akxni natalakapastaka akxni tinilh Cristo?