¿Maklakaskimpat tarjeta de contacto xla jw.org?

Xlakata tlakg talakatsuwima lanka takatsanajwat, tlakg xlakaskinka natalichuwinan Dios (Pr 24:11, 12, 20). Pulaktum la tlan nakamakgtayayaw latamanin, wa pi namaklakaskinaw tarjeta de contacto, nema kalin kkisitiojkan xlakata nalikgalhtawakgakgo Biblia. Tarjeta limin codigo niku kamalakgacha kʼakgtum video ¿Tuku xlakata nalikgalhtawakgaya Biblia? chu kʼakgtum invitación xlakata naskin takgalhtawakga xalak Biblia. Wilakgo tiku ni lakgatikgo makglhtinankgo kilikgalhtawakgakan, pero lakgatikgo tanukgo ksitio jw.org. Wa xlakata tlan nakamaxkiyaw tarjeta de contacto. Pero ni kamaxki tiku ni kgaxmatputun.

Xanikuta niku lamaw, tlan natlawayaw pi latamanin tlakg nakatsiputunkgo akxni nakawaniyaw la uma: «Kmaxkiputunan uma tarjeta. Nalinan kʼakgtum página kʼInternet niku limin lhuwa tamakatsin chu tipalhuwa videos nema lichuwinankgo pulaklhuwa temas chu ni taxokgo» (Jn 4:7). Xlakata tarjetas de contacto laktsu, tlan nalipina chu nakamaxkiya latamanin akxni kgalhiya kilhtamaku.