TUKU LHUWA XTAPALH XALAK BIBLIA | COLOSENSES 1-4
Katapuxtuw xamakgan kintayatkan chu kalilhakganaw xasasti
¿Lhuwa tuku lakgpali kmilatamat akxni katsi tuku xaxlikana? Liwana kakatsi pi Jehová lipaxuwa tuku liskujnita (Eze 33:11). Maski chuna, talakaskin chuntiya naliskujaw xlakata nalimasiyayaw xalakwan tayat chu nialh nalimasiyayaw xamakgan kintayatkan. Xlakata nakatsiya niku talakaskin chuntiya naliskuja, kakgalhti umakgolh takgalhskinin:
¿Ksitsini tiku kintlawaninit tuku nitlan?
¿Ni lakapala ksitsi maski klakapalama o ktlakgwanit?
¿Lakapala kmapanu akxni min kkintalakapastakni talakgxtumit xalimaxana?
¿Kkalakgmakgan tiku tanu xkilhtsukutkan chu xkachikinkan?
¿Wi tiku nina makgas ni lu tlan ktachuwinalh chu lakapala ksitsilh?