Kakatalaliw tiku paxkikgo Jehová

¿Tuku xlakata talakaskin nakatalalinaw tiku paxkikgo Jehová? Xlakata tiku katalalinaw tlawakgo pi tlan o nitlan nakinkakitaxtuniyan (Pr 13:20). Akgtum liʼakxilhtit, mapakgsina Jehoás «tlawalh tuku tlan kxlakatin Jehová» akxni xtalalin sacerdote Jehoiadá (2Cr 24:2). Akxni Jehoiadá nilh, Jehoás makgxtakgli Jehová xlakata xkatalalin tiku nitlan xlikatsikgo (2Cr 24:17-19).

Kxapulana siglo, apóstol Pablo tamalakxtumilh congregación xla kstalaninanin Cristo la akgtum «lanka chiki» chu tiku tapakgsikgo anta katamalakxtumilh «vasos» o tuku maklakaskinkan kchiki. Akinin litaxtuyaw «vasos nema kalimaklakaskinkan xlakata natlawakan tuku xlakaskinka» akxni ni katalalinaw tiku tlawakgo tuku ni makgapaxuwa Jehová, maski xalak kifamiliajkan o natalan xalak congregación (2Ti 2:20, 21). Wa xlakata, kakatalaliw tiku paxkikgo Jehová chu kinkamakgpuwantinikgoyan nachuna natlawayaw.

AKXNI AKXILHNITATA VIDEO NI KAKATALALIW TIKU NITLAN LIKATSIKGO, KAKGALHTI UMAKGOLH TAKGALHSKININ:

• ¿La max natsukuyaw katalalinaw tiku nitlan likatsikgo?

• ¿Tuku kamakgtayalh kgalhtutu natalan nema tasiyakgolh kvideo, nialh nakatalalinkgo tiku nitlan likatsikgo?

• ¿Tuku tastakyaw xalak Biblia tlan nakinkamakgtayayan liwana nalaksakaw tiku nakatalalinaw?