KILATAMATKAN LA KSTALANINANIN CRISTO

Pulaktutu la tlan nalimasiyayaw pi lipawanaw Jehová

David makgatlajalh Goliat xlakata lipawa Jehová xliputum xnaku (1Sa 17:45). Jehová lu kamakgtayaputun xʼamigos (2Cr 16:9). ¿Tuku tlan natlawayaw xlakata nalimasiyayaw pi lipawanaw Jehová chu ni akstu kinkalipawankanan? Kaʼakxilhwi pulaktutu.

Ankgalhin katlawa oración. Ni kajwatiya katlawani oración Dios xlakata naskiniya pi katapatin mintalakgalhin, wata na kaskini pi kamaxkin litliwakga xlakata ni natlawaya tuku nitlan (Mt 6:12, 13). Ni kajwatiya katlawani oración Jehová xlakata kasikulunatlawalh tuku laksaknitata, wata na kaskini pi kapulalin akxni wi tuku nina laksaka (Snt 1:5).
Kalismani nalikgalhtawakgaya chu nalakputsananiya Biblia. Kalikgalhtawakga Biblia chali chali (Sl 1:2). Kakalilakpuwanti lakchixkuwin chu lakpuskatin tiku kalichuwinankan kBiblia chu tuku masiyanikgoyan, chu alistalh katlawa tuku nakatsiniya (Snt 1:23-25). Kalakkaxwili tuku nawana akxni nalichuwinana Dios chu ni kalakpuwanti pi lhuwa tuku katsiyata. Chu xlakata tlakg nalitamakgtayaya tamakxtumit, kalakkaxwili tuku nalichuwinankan.
Kataskujti xkachikin Jehová. Kakatsi tuku wan xkachikin Jehová chu lakapala chuna katlawa (Nú 9:17). Na liwana kakgalhakgaxpatti xtapulalitkan chu xtastakyawkan lakgkgolotsin (Heb 13:17).

Makgapitsi policías makachikgonit chu limakgo chatum tala kpulachin, makgapitsi periodistas chu amakgapitsi natalan akxilhmakgo tuku lama.

AKXNI AKXILHNITATA NAWAN VIDEO ¡NI KAPEKUANTIT AKXNI NAKAPUTSASTALANIKANATIT!, KAKGALHTI UMAKGOLH TAKGALHSKININ:

• ¿Tuku xpekuanikgo natalan nema taxtukgolh kvideo?

• ¿Tuku kamakgtayalh namakgatlajakgo xtapekuakan?