¿Akxilha la Jehová kgalhti mioración?

Biblia lichuwinan lhuwa oraciones nema Jehová kakgalhtinit. Xlaskujnin Dios akxilhkgolh pi Jehová xlilakgaputsa xtaʼakglhuwitkan chu xkamakgtaya, chu uma kamatliwakglhnilh xtakanajlakan. Wa xlakata lu xlakaskinka liwana nawanaw kkioracioneskan tuku lakaskinaw chu lu kuenta kilitlawatkan la Jehová kinkakgalhtiyan. Na kililakapastakatkan pi Jehová tlan nakinkakgalhtiyan chuna la ni kgalhkgalhimaw o natlawa tuku ni kskininitaw (2Co 12:7-9; Ef 3:20). Kaʼakxilhwi makgapitsi la Jehová kinkakgalhtiyan.

• Kinkamaxkiyan litliwakga, tlan kinkamamakgkatsiniyan chu kinkamatliwakglhniyan kintakanajlakan xlakata natayaniyaw taʼakglhuwit (Flp 4:13).

• Kinkamaxkiyan liskgalala xlakata tlan tuku nalaksakaw (Snt 1:5).

• Kinkamaxkiyan litliwakga chu tapuwan xlakata wi tuku natlawaputunaw (Flp 2:13).

• Tlan kinkamamakgkatsiniyan komo lakgaputsamaw (Flp 4:6, 7).

• Kalimaklakaskin amakgapitsin xlakata nakinkamakgtayayan chu tlan nakinkamamakgkatsiniyan (1Jn 3:17, 18).

• Kamakgtaya tiku kapalakaskinaw kkioracioneskan (Hch 12:5, 11).

AKXNI AKXILHNITATA NAWAN VIDEO JEHOVÁ WA TIKU KGAXMATA ORACIÓN, KAKGALHTI UMAKGOLH TAKGALHSKININ:

• ¿La kamakgpuwantini tiku kgalhikgo tajatat xliʼakxilhtit tala Shimizu?

• ¿La tlan nastalaniyaw xliʼakxilhtit Shimizu?