KILATAMATKAN LA KSTALANINANIN CRISTO
Kalakgmakganti tuku masiyakgo apóstatas
Satanás chu tiku tatayakgo, lakxtum tlawakgo tuku xaxlikana chu taʼakgsanin xlakata namaxlajwanikgo kintakanajlakan (2Co 11:3). Wa uma tuku tlawakgolh asirios: wankgolh taʼakgsanin chu ni liwana lichuwinankgolh tuku xaxlikana xlakata xmaxlajwanikgolh xkachikin Jehová (2Cr 32:10-15). Chu apóstatas nachuna tlawakgo. Tuku wankgo xtachuna la veneno, wa xlakata kalakgmakgaw putum tuku wankgo. Nikxni kalikgalhtawakgaw tuku tsokgwilikgo kʼinternet, ni kakakgalhtiw chu ni kakalitachuwinaw amakgapitsin. Kakatsiniw naʼakxilhaw akxni kaj wi tiku tlawaputun pi nialh kalipawaw Jehová chu xkachikin, chu kalakgmakgaw (Jud 3, 4).
AKXNI AKXILHNITATA NAWAN VIDEO «LU NAKUENTAJTLAWAYATIT XLAKATA CHUNTIYA NAKANAJLANIYATIT DIOS» (KAJ AKTSU), KAKGALHTI UMAKGOLH TAKGALHSKININ:
¿Tuku xlakata kuenta kilitlawatkan la maklakaskinaw aplicaciones niku tlan katachuwinankan latamanin?
¿La tlan nastalaniyaw tastakyaw nema lichuwinan Romanos 16:17?