¿Tuku tlan natlawaya xlakata nalakapastaka textos xalak Biblia?

¿Tukuya texto tlakg lakgatiya? Max tipalhuwa. Max lakgatiya akgtum texto nema tlan mamakgkatsiniyan chu matliwakglhan, o max akgtum texto nema makgtayayan nalakgmakgana nixatlan tapuwan o max akgtum texto nema lakgatiya kalitachuwinana amakgapitsin (Sal. 119:​11, 111). Pero max min kilhtamaku tuwa makgkatsiya liwana nalakapastaka tuku wan o ni liwana katsiya niku natekgsa. Kalichuwinaw makgapitsi tuku tlan nakinkamakgtayayan.

• Kamaklakaskinti etiquetas anta kJW Library^®. Komo akxni likgalhtawakgapat Biblia kʼaplicación, natekgsa akgtum texto nema lakapastakputuna, kawilini akgtum etiqueta chu kalimapakuwi «Textos nema tlakg klakgati».

• Kawili texto niku tlan naʼakxilha. Makgapitsi natalan tsokgwilikgo texto kmaktum kapsnat chu mawakakgo kʼespejo o krefri. Amakgapitsin maxtunikgo xafoto chu wilikgo kcelularkan o kxcomputadorajkan xlakata wa tuku pulana natasiya akxni namapasikgo.

• Katlawa tarjetas xlakata de memoria nakatsiniya textos. Lakatum kalhkawili texto chu lakgaputu katsokgwili tuku wan uma texto. Alistalh kaj lakgaputu kaʼakxilhti mintarjeta chu kalakapastakti tuku wan alakgaputu.