Takgalhtawakga 1
La tlan nakatsiyaw tuku Dios kinkaskiniyan
¿Tukuya tamakatsin xlakaskinka wi kBiblia? (1)
¿Tiku xtalakapastakni tachiwin nema wi kBiblia? (2)
¿Tuku xlakata milikgalhtawakgat Biblia? (3)
1. Biblia akgtum tamaskiwin lanka kxtapalh, kinkamaxkin Dios. La akgtum tatsokgni xla chatum tlat xapaxkina kamalakgachani xkamanan. Kinkawaniyan tuku xaxlikana xlakata Dios: tiku Dios chu na kinkawaniyan xtamapakgsin. Kinkawaniyan la tlan nalakkaxtlawayaw kintakglhuwitkan chu la tlan natekgsaw xaxlikana tapaxuwan. Kaj watiya Biblia kinkawaniyan tuku natlawayaw xlakata namakgapaxuwayaw Dios (Salmo 1:1-3; Santiago 1:25).
2. Liwakay 1.500 kata akxni Jesús niʼaxmin kKatiyatni, Biblia tsukuka tsokgkan, max tipuxum lakchixkuwin tsokgkgolh chu 1.600 kata max limatlanikgolh. Litakgatsiy 66 laktsu libro. Wantiku tsokgkgolh Biblia Dios kamaxkilh xtalakapastakni o kamapuwanilh, uma wamputun matitaxtikgolh xtalakapastakni Dios chu ni xtalakapastaknikan. Wa xlakata xlimaktuminika tuku wi kBiblia xla Dios xalak akgapun chu ni xla kristiano (2 Timoteo 3:16, 17; 2 Pedro 1:20, 21). ʼakgatekgsa wantu wamputun. Xampi na ni xtalakaskin nchixku lantla tamaxkinitaw ntachuwin ntalilhkan, maski chixkuwin nti ntilichiwinankgolh, wampi xasantujlanin, xampi wa Spíritu Santo wantu ntimapuwanikgolh ntimachuwinikgolh».
3. Dios kuenta tlawalh xlakata Biblia chuna klhkaxtuka chuna la tlan xliwanat chu niti xmalakgsputulh. Tlakg lhuwa tlawakanit Biblia nixawa amakgapitsi libro. Makgapitsi ni katilipaxawakgolh xlakata wix nalikgalhtawakgaya Biblia, pero ni kamasta talakaskin namamakgxtakgnikgoyan. Komo wix nalakgapasa Dios chu natlawaya xtalakaskin maski wi tiku nalakatayaniyan, namakglhtinana latamat chu nikxni naniya (Mateo 5:10-12; Juan 17:3).