Takgalhtawakga 6

¿Tuku ama xTamapakgsin Dios?

¿Niku wilacha xTamapakgsin Dios? (1) ¿Tiku xMapakgsina? (2)

¿Pi wi amakgapitsi tiku natamapakgsinankgoy, Mapakgsina kxTamapakgsin? Komo chuna, ¿niku kgalhlit? (3)

¿Tuku kinkamasiyaniyan pi kxkgatsputat kilhtamaku wilaw? (4)

¿Tuku natlaway nialh makgas xTamapakgsin Dios xlakata kristianos? (5-7)

1. Akxni Jesús xwi kKatiyatni, kamasiyanilh xtamakgalhtawakgen pi kskinkgolh kamilh xTamapakgsin Dios. XTamapakgsin Dios wa akgtum tamapakgsin ni anan xtachuna. Kʼakgapun wilikanit chu na namapakgsinan unu kKatiyatni. Santo natlaway xtukuwani Dios. Wa natlaway pi kakgantaxtulh xtalakaskin Jiova unu kKatiyatni chuna la wilacha kʼakgapun (Mateo 6:9, 10). ʼakgapun, Katamasantujlilh mintukuwani. Kamilh milimapakgsin. Wa nkatatlawalh ntu mintalakaskin, xtachuna lantla kʼakgapun, nachuna kawa nkatiyatna”.»

2. Dios xwaninit pi Jesús xʼama tawilay xliMapakgsina anta xTamapakgsin Dios (Lucas 1:30-33). Akxni Jesús unu xwi kKatiyatni, limasiyalh pi akxni xtawilalh xliMapakgsina lu tlan xlikatsilh, xalakatitum chu paks tlan tuku xtlawalh. Akxni taspitli kʼakgapun, ni tunkun wilika xliMapakgsina kxTamapakgsin Dios (Hebreos 10:12, 13). Akxni 1914, Jiova maxkilh Jesús tamapakgsin nema xwaninit namaxkiy. Akxni tama kilhtamaku Jesús tsukulh mapakgsinan anta kʼakgapun xlakata Jiova lilaksakli (Salmo 2:6).

3. Jiova nalaksaknit amakgapitsi lakchixkuwin chu lakpuskatin tiku akgstitum stalanikgoy xalak Katiyatni xlakata naʼankgoy kʼakgapun. Xlakan mapakgsinanin chu sacerdotes nawankgoy anta kxpaxtun Jesús, namapakgsikgoy kristianos (Lucas 22:28-30; Apocalipsis 5:9, 10). Jesús wa pi tiku na natamapakgsinankgoy kxTamapakgsin lu ni xlhuwakan. Xliputum litakgatsiy 144.000 (Lucas 12:32; Apocalipsis 14:1-3).

4. Akxni Jesús chalh xliMapakgsina tunkun tamakxtucha kʼakgapun Satanás chu ángeles nema lixkajni likatsikgoy chu kamakamilh unu kKatiyatni. Wa xlakata akxni 1914 tlakg talhuwikgolh tuku nitlan kKatiyatni (Apocalipsis 12:9, 12). Guerra, tatsinksni, tajatat, tlakg lhuwa anan tiku lakatsalay limapakgsin..., umakgolh «xaliʼukxilhtit» litasiyay pi Jesús mapakgsinamaja chu uma kakilhtamaku nixatlan talakatsuwinit xlisputni (Mateo 24:3, 7, 8, 12; Lucas 21:10, 11; 2 Timoteo 3:1-5).

5. Jesús nialh makgas nakatatlaway kuenta kristianos, nakalaksaka chu nakamapitsiy chuna la tlaway chatum xkuentajtlawana borrego chu cabra. Jesús kaʼakxilha lakomo borrego kaj wantiku limasiyakgoy pi kstalaninanin tiku ni makgxtakgnankgoy, chu nakamaxkiy latamat unu kKatiyatni chu nikxni katinikgolh. Cabras wantiku nalakgmakgankgoy xTamapakgsin Dios (Mateo 25:31-34, 46). Jesús nialh makgas nakamalakgsputuy kristianos tiku xtachuna lakomo cabra (2 Tesalonicenses 1:6-9). Komo wix wamputuna la xborrego Jesús, nakgalhakgaxpata tuku kinkamasiyanikanan xlakata Tamapakgsin chu namakgantaxtiya chuna la katsitilhapat (Mateo 24:14).

6. Tiyat litapitsinit akglhuwa laklanka kachikin chu akgatunu kgatunu kgalhiy xtamapakgsin. Uma laklanka kachikinin lachipakgoy. Pero xTamapakgsin Dios natawilay xlakgxokgo umakgolh mapakgsinanin xalak Katiyatni. Kaj xakstu natawilay xtamapakgsin xlikalanka Katiyatni (Daniel 2:44). Chu na nialh katiʼanalh guerra, laklanka lakgalhinanin chu tiku ni machokgokgoy xtasitsi. Putum kristianos akxtum nalatamakgoy nialh katiʼanalh taʼakglhuwit (Salmo 72:7).

7. Akxni naMapakgsinan Jesús xaʼakgtum Mil kata, kristianos wantiku ni makgxtakgnankgoy nachan kilhtamaku akxni niaj katikgalhikgolh talakgalhin chu xlikalanka Katiyatni xakalipaxaw nawan. Akxni nakgatsputa xaʼakgtum mil kata Jesús tlawanitta nawan wa nema Dios pulana xlakapastaknit natlaway. Chu akxni tama kilhtamaku namaxkipara Tamapakgsin xTlat (1 Corintios 15:24). Tlan nakawanikgoya mi amigo chu tiku kapaxkiya wantuku natlaway xTamapakgsin Dios.

[Dibujo xla página 13]

Kxtamapakgsin Jesús, nialh katiʼanalh tasitsi nipara tiku nitlan akxilhnan