Takgalhtawakga 9
Xkakninanin Dios ni xlixkajwanatkan
¿Tuku xlakata nituku nalixkajwananaw? (1)
¿Tuku wamputun ni namaxkajwaniyaw kintakaknikan? (2)
¿Chu ni namaxkajwaniyaw kintayatkan? (3) ¿Chu ni namaxkajwaniyaw kintalakapastaknikan? (4) ¿Chu ni xalixkajni nalitawilayaw? (5)
¿Tukuya tachiwin xalaklixkajni ni nawanaw? (6)
1. Jiova nikxni xkajwanan chu xasanto. Chu Jiova lakaskin pi xkakninanin ni namaxkajwanikgoy kxtakaknikan, xtayatkan, xtalakapastaknikan chu la tlan nalilatawilakgoy (1 Pedro 1:16). Kuenta natlawayaw xlakata ni naxkajwananaw kxlakatin Dios. Uma kakilhtamaku niku lamaw xakalixkajni. Nachuna, kinkatalatlajaputunan tuku nixatlan skin kinakujkan. Pero ni natamastaniyaw.
2. Ni namaxkajwaniyaw kintakaknikan: Komo skujnaniputunaw Jiova namakgxtakgaw paks tamasiyat o talismanin xla nixaxlikana takanajla. Kilitaxtutkan ktakanajla nixaxlikana chu nipara tsinu namakgtayayaw kxtakaknin (2 Corintios 6:14-18; Apocalipsis 18:4). Akxni lakgapasawa tuku xaxlikana xlakata Dios, nakuentajtlawayaw xlakata ni nakinkaʼakgskgawikgoyan tiku masiyakgoy tuku nixaxlikana (2 Juan 10, 11).
3. Ni maxkajwaniyaw kintayatkan: Jiova lakaskin pi tiku kakninanikgoy paks kilhtamaku nalilatamakgoy chuna la tiku xaxlikana kstalanina Cristo (1 Pedro 2:12). Jiova stalanka akxilha tuku tlawayaw chu na akxilha tuku tsekg tlawayaw (Hebreos 4:13). Ni natlawayaw talakgxtumit xalimaxana chu na ni natlawayaw talismanin xalaklixkajni xla uma kakilhtamaku (1 Corintios 6:9-11).
4. Ni namaxkajwaniyaw kintalakapastaknikan: Komo nalimatsamayaw kintalakapastaknikan kajwa tuku xatlan chu ni xalak lixkajni ni xalixkajni katiwa kintayatkan (Filipenses 4:8). Pero komo punchuna nalakapastakaw tuku xalaklixkajni, nalisputa natlawayaw tuku nitlan (Mateo 15:18-20). Ni nalilakgastananaw chu ni nakgaxmataw tuku nakinkatamaknuniyan ni xalakwan talakapastakni. Komo nalikgalhtawakgayaw xTachiwin Dios, nalitatsamay kintalakapastaknikan tuku xatlan.
5. Ni xalixkajni nalitawilayaw: Xlakata akinin kstalaninanin Cristo chu lichiwinanaw Dios ni xapalakga kimaknikan nalatamayaw chu kinlhakgatkan na xatachakgen nawiliyaw. Namakgachakgana akxni aku kilanita kbaño, chu akxni nawayana o nakaxtlawaya liwat. Komo minchik ni kgalhiy tubo nema litaxtuy xapalakga chuchut, xlakaskinka nakawaxa niku napina kbaño (Deuteronomio 23:12, 13). Komo punchuna napaxa ni punchuna katitatatla. Kxchikkan tiku kstalaninanin Cristo ni xapalakga xliwanat xkatuwajkan tuku kgalhikgoy chu anta niku xlitawilat xkatuwajkan, anta xlitawilat, chuna xliwanat kxpulakni chu xkilhtinkan. Anta kkachikin likxilhtit xliwanatkan.
6. Ni xalixkajni tachiwin: Wantiku xkakninanin Dios tuku wankgoy, xaxlikana xliwanat. Wantiku akgsaninankgoy ni katimakglhtinankgolh xTamapakgsin Dios (Efesios 4:25; Apocalipsis 21:8). Tiku kstalaninanin Cristo ni lixkajni kgalhchiwinankgoy. Ni kgaxmatkgoy chu ni wankgoy takgalhchiwin nixatlan nipara lixkajni kgalhkgamanankgoy. Tasiyay anta niku skujkgoy ni chuna xtayat lakomo amakgapitsi chu kescuela, anta kachikin, xlakata xatlan chiwinankgoy (Efesios 4:29, 31; 5:3).
[Dibujos xla página 19]
Wantiku xkakninanin Dios nituku xlixkajwanatkan