Takgalhtawakga 14
Tukuntla takaxwilikgonit xtatayananin Jiova
¿Tukuya kilhtamaku lakatsukukgolh xtatayananin Jiova xala uku? (1)
¿Tukuntla tlawakan xtamakxtumit xla xtatayananin Jiova? (2)
¿Niku minacha tumin nema lixokgokan tuku tamaklakaskin? (3)
¿Tiku lipulay anta kkgatunu congregación? (4)
¿Tukuya tamakxtumit tlakg xalaklanka tlawakgoy kata kata? (5)
¿Tuku tlawakan kchiki anta niku pulalinkan taskujut xla xtatayananin Jiova chu amakgapitsi chiki niku na tlawakan uma taskujut? (6)
1. Xtatayananin Jiova xala uku lakatsukukgolh kata xa 1870 chu 1880. Pulana xkalimapakuwikan Xlikgalhtawakganin Biblia, pero kata 1931 lakatikgolh kBiblia tukuwani, xtatayananin Jiova (Isaías 43:10). ʼakgatekgsatit pi watiya Kit. Chu nitiku Dios pulh kilhtsukunit chu ni tiku achatum Dios anampa. Akit... akit Jiova, chu ni tiku atanu lakgmaxtuna». Akxni lakatsukulh xTatayananin Jiova xala uku ni lhuwa xwankgonit, pero tsinu tsinu talhuwitilhakgolh la uku chankgonit akglhuwa millón tiku lichiwinankgoy xTamapakgsin Dios anta 230 laklanka kachikin.
2. Atsinu ni paks congregación xla xtatayananin Jiova, makgtutu tamakxtumikgoy kgatunu semana. Wix tlan napina anta ktamakxtumit niku nalakgatiya (Hebreos 10:24, 25). Wantuku masiyakan anta takilhtinit kBiblia. Tamakxtumit limatsukikan chu limasputukan akgtum oración, xlakata nalimalankikgoy Jiova kilhtlikgoy xlitliwakga xnakujkan pero ni paks ktanu tanu tamakxtumit (Efesios 5:18, 19). Tlan naʼan tiku naʼanputun chu ni skinkan tumin (Mateo 10:8).
3. Tlakg lhuwa tamakxtumit xla congregación katlawakan kPukgalhtawakga. Ni lhuwa tuku litakaxtlawananit chu wantiku tlawakgonit uma Pukgalhtawakga xatapaxawan xnakujkan litalaknukgonit chu ni kaxokgonikan. Anta ni katiakxilhti imágenes nema likakninankan nipara cruz chu ni tuku atanu xtachuna. Wantuku tamaklakaskin, litaxokgoy tumin nema xatapaxawan maskiwinankan. Tiku xatapaxawan maskiwinanputun tumin tlan namujuy anta kcaja niku mukan tumin nema xatapaxawan tamaskiwinanit (2 Corintios 9:7).
4. Kgatunu congregación wilakgolh lakgkgolotsin, o kuentajtlawananin wantiku lipulakgoy ktamasiyat (1 Timoteo 3:1-7; 5:17). Makgtayananin xla congregación makgtayakgoy lakgkgolotsin (1 Timoteo 3:8-10, 12, 13). Niti tlakg lanka makgkatsikan anta kcongregación (2 Corintios 1:24). Ni kawilinikan akgtum tukuwani nema lanka nakalimakgkatsikan (Mateo 23:8-10). Nachuna lhakganankgoy lakomo amakgapitsi. Na ni makglhtinankgoy xtaskgawkan xlakata xtaskujutkan. Lakgkgolotsin xatapaxawan kuentajtlawakgoy tuku lakaskinkgoy xlakata Dios congregación. Mastakgoy lakwan tachiwin chu tastakyaw akxni anan takglhuwit (Santiago 5:14-16; 1 Pedro 5:2, 3).
5. Xtatayananin Jiova kata kata tlawakgoy laklanka tamakxtumit. Tama ktamakxtumit lhuwa ankgoy chu masiyakan tuku xlakaskinka xlakata Biblia. Nachuna akxni tlawakan uma laklanka tamakxtumit kamunukan tiku xasasti tamakgalhtawakgen (Mateo 3:13-17; 28:19, 20).
6. Chiki anta niku pulalinkan taskujut xla xtatayananin Jiova anta wilacha kNueva York. Anta wilakgolh Lakgkgolotsin tiku Pulalinankgoy, uma lakgkgolotsin wantiku tlakg katsikgoy chu kuentajtlawakgoy congregaciones xlilanka Katiyatni. Liwakay akgtum ciento chiki nema namakgtlawakgoy uma taskujut. Wantiku xatapaxawan xnaku litalaknukgonit skujmakgolh anta niku tlawamaka chu makgpitsimaka tatsokgni xalak Biblia. Na anta kalaklhkawilimaka taskujut xlakata natalichiwinan xTamapakgsin Dios. ¿Pi nixlakgati xtakaxti xlakata xpit lakgapasnana kchiki niku tlawakan taskujut xla xtatayananin Jiova anta niku tlakg lakatsu niku wila?