¿La akxilha kilhtamaku nema aku mima?

WANTUKU WAN BIBLIA

«Na paks naxakanikgo Dios xlakgpixtajatkan; na nialh katiʼanalh linin; chu na nialh katiʼanalh ntalipuwan, ni mpala wa ntatasa, chu na ni mpala wa ntakatsanajwat; xampi wa xlipaks nkatuwaj, wa ntu xʼanan xakgasiyaj, paks lakgsputli.» (Apocalipsis [Revelación] 21:3, 4, Hua Xasasti Talaccaxlan.)

LA KINKAMAKGTAYAYAN NAKATSIYAW

Tlan nakitaxtu tuku naliskujaw chu nalipaxuwayaw (Isaías 65:21-23).

Nialh katipatinaw chu nialh katitatatlaw (Isaías 25:8; 33:24).

Xatapaxuwan nakatatawilayaw kifamiliajkan chu kiamigoskan xliputum kilhtamaku (Salmo 37:11, 29).

¿WI TUKU KINKAMAKGTAYAYAN NAKANAJLANIYAW BIBLIA?

Wi pulaktiy:

• Dios kgalhi litliwakga xlakata namakgantaxti uma tuku wanit. Anta kBiblia, kaj wa Dios limapakuwikan «nti mpaks matlaniya xlipaks nkatuwaj», xlakata lu lhuwa litliwakga kgalhi (Apocalipsis 15:3). Wa xlakata akxni wan pi nalakgpali kakilhtamaku xlakata tlakg tlan nawan, tlan nakanajlayaw pi namakgantaxti. Chuna la wan Biblia «Dios ni pala pulaktum wi wantu napuwa[naw] pala nilay tlaway» (Mateo 19:26).

• Dios makgantaxtiputun tuku wanit natlawa. Akgtum liʼakxilhtit, tiku nikgonita, Biblia wan pi Jehová kamalakastakwaniputun (Job 14:14, 15).

  Na wan pi Jesús, xKgawasa Dios, kamapaksalh tiku xtatatlakgo. ¿Chu tuku xlakata chuna tlawalh? Xlakata chuna xtlawaputun (Marcos 1:40, 41). Tuku tlawalh limasiya tuku tlawaputun xTlat, pi kamakgtayaputun tiku niti kamakgtaya (Juan 5:19).

  Uma likatsiyaw pi Jehová chu Jesús lakaskinkgo pi lu tlan katawilaw kilhtamaku nema aku mima (Salmo 72:12-14; 145:16; 2 Pedro 3:9).