TAKGALHTAWAKGA 60
Chuntiya kamatliwakglhti mintakanajla
Uma takgalhtawakga makgtayanitan tlakg nalakgapasa Jehová. Uma makgtayanitan lu napaxkiya Dios chu max asta tamakamastaninitata chu tamununitata. Komo nina chuna tlawaya, max lakpuwampat pi nialh makgas natamakamastaniya chu natamunuya. Pero akxni tamununitata, talakaskin chuntiya namatliwakglha mintakanajla. Wix tlan namatliwakglha la talalipina Jehová putum kilhtamaku. Kaʼakxilhwi la tlan chuna natlawaya.
1. ¿Tuku xlakata talakaskin chuntiya namatliwakglha la talalipina Jehová?
Talakaskin lu naliskujaw xlakata chuntiya namatliwakglhaw la talalinaw Jehová. ¿Tuku xlakata? «Xlakata nikxni natamakgatliniyaw takanajla» chu natamakgatliniyaw Jehová (Hebreos 2:1). ¿Tuku nakinkamakgtayayan chuntiya naskujniyaw chu ni namakgxtakgaw Jehová? Lu naliskujaw nalichuwinanaw Dios chu naputsayaw atanu la tlakg tlan naskujnaniyaw (kalikgalhtawakga Filipenses 3:16). ¡Tuku tlakg tlan natlawayaw kkilatamatkan wa naskujnaniyaw Jehová! (Salmo 84:10).
2. ¿Tuku chuntiya militlawat?
Xlikana pi masputupata mintakgalhtawakga xalak Biblia, pero aku matsukipat mintaskujut la kstalanina Cristo. Biblia kinkawaniyan pi chatunu kstalanina Cristo xlilhakganat «xasasti tayat» (Efesios 4:23, 24). Komo chuntiya nalikgalhtawakgaya xTachuwin Dios chu napina ktamakxtumit, tlakg nalakgapasa Jehová chu la likatsi. Kalilakpuwanti la tlan nalikatsiya chuna la xla. Chu chuntiya kaliskujti nalakgpaliya tuku talakaskin xlakata namakgapaxuwaya Jehová.
3. ¿La namakgtayayan Jehová xlakata chuntiya namatliwakglha mintakanajla?
Biblia wan: «Dios […] nakamalakgtawakgeyan xlakata tlan naskujnaniyatit. Xla tliwakglh nakayawayan, xla nakamatliwakglhan, liwana nakayawayan xlakata ni nalhtujatit» (1 Pedro 5:10). Putum akinin titaxtuyaw taputsan, pero Jehová nakinkamakgtayayan xlakata natayaniyaw (Salmo 139:23, 24). Chu ni kajwatiya uma, xla kinkamalaknuniyan pi nakinkamakgtayayan naskujnaniputunaw chu nakinkamaxkiyan litliwakga xlakata chuna natlawayaw (kalikgalhtawakga Filipenses 2:13).
TLAKG KALAKPUTSANANIW
Kaʼakxilhwi tuku tlan natlawaya xlakata chuntiya namatliwakglha mintakanajla chu tuku tasikulunalin namaxkiyan Jehová.
4. Chuntiya katachuwinanti tlakg xatlan miʼamigo
Oración chu takgalhtawakga xalak Biblia makgtayanitan xʼamigo Jehová nalitaxtuya. Uma namakgtayayan chuntiya tlakg natalakatsuwiniya Jehová. ¿La tlan namakgtayayan?
Kalikgalhtawakgatit Salmo 62:8 chu kalichuwinantit uma:
Xlakata tlakg tlan natalalipina Jehová, ¿la militlawat oración?
Kalikgalhtawakgatit Salmo 1:2 chu kalichuwinantit uma:
¿Tuku militlawat akxni likgalhtawakgaya Biblia xlakata tlakg tlan natalalipina Jehová?
¿Tuku tlan natlawaya xlakata tlakg nalitamakgtayaya akxni miʼakstu kgalhtawakgaya? Xlakata nakatsiya tuku tlan natlawaya, kaʼakxilhtit VIDEO. Alistalh kalichuwinantit uma:
Chuna la akxilhti kvideo, ¿tuku tlawaputuna wix xlakata tlakg liwana nakgalhtawakgaya?
¿Tuku temas lakputsananiputuna?
5. Kalakkaxwili tlakg naskujnaniya Jehová
Komo nalakkaxwiliya tlakg naskujnaniya Jehová, namakgtayayan chuntiya namatliwakglha mintakanajla. Kaʼakxilhtit VIDEO chu kalichuwinantit uma:
Xlakata Cameron lakkaxwililh tlakg naskujnani Dios, ¿la makgtayalh uma?
Ni putum akinin tlan anaw kʼatanu país xlakata nalichuwinanaw Dios. Pero kimputumkan wi tuku tlan naliskujaw xlakata tlakg naskujnaniyaw Jehová. Kalikgalhtawakgatit Proverbios 21:5 chu kalichuwinantit tuku tlan tlakg xliskujti...
... kcongregación.
... akxni lichuwinana Dios.
¿La namakgtayayan uma tastakyaw xalak Biblia xlakata namakgantaxtiya tuku lakpuwanita natlawaya?
Tuku tlan xliskujti natlawaya
Tlakg tlan katlawa miʼoración.
Kalikgalhtawakga putuminika Biblia.
Kakalakgapasti putum natalan xalak mincongregación.
Wi tiku kalimakgalhtawakge Biblia.
Precursor auxiliar o regular kalitaxtu.
Komo kgawasa o chixku wix, kaliskujti xlakata siervo ministerial nalitaxtuya.
6. ¡Kalipaxuwa latamat putum kilhtamaku!
Kalikgalhtawakgatit Salmo 22:26 chu kalichuwinantit uma:
¿Tuku militlawat xlakata nalipaxuwaya latamat la uku chu putum kilhtamaku?
TUKU KATSINIW
Chuntiya kamatliwakglhti la talalipina Jehová chu kalakkaxwili tlakg naskujnaniya. Komo chuna natlawaya, ¡tlan nalipaxuwaya latamat putum kilhtamaku!
¿Tuku xkgalhtinanti?
¿Tuku xlakata tlan nalipawana pi Jehová namakgtayayan naskujnaniya chu nikxni namakgxtakga?
¿Tuku tlan natlawaya xlakata tlakg tlan natalalipina Jehová?
¿Tuku xlakata lu xlakaskinka wi tuku nalakkaxwiliya natlawaya xlakata tlakg namatliwakglha mintakanajla?
TLAKG KAKATSINI
¿Tuku tlakg xlakaskinka akxilha Jehová: wi tuku natlawayaw nema kaks malakawaninan xlakata nalimasiyayaw pi kakninaniyaw o chali chali nalimasiyayaw pi ni makgxtakgaw?
Asta max chatum tiku ni makgxtakga Jehová nialh nalipaxuwa la skujnanima. Kaʼakxilhti tuku namakgtaya napaxuwapara.
¿Tuku nakinkamakgtayayan nalakkaxwiliputunaw tuku natlawayaw chu namakgantaxtiyaw?
Kaʼakxilhti tuku xlakata lu xlakaskinka pi chatum kstalanina Cristo tliwakga nakgalhi xtakanajla chu tuku namakgtayayan na tliwakga nakgalhiya mintakanajla.