Lu tlan liʼakxilhtit kawilinilh putum latamanin

Lu tlan xtalalin Jehová chu xlipaxuwa chu putum xlatamat tlawalh xtalakaskin. Chuna xla, «ni xmakgxtakga xaxlikana Dios» wa xlakata lu sikulunatlawaka. Tiku lichuwinamaw wa Noé, chatum chixku nema kamanan chu tiku laklankata tlan nastalanikgo (Gén. 6:9). Video Noé nikxni makgxtakgli Dios nakinkamakgtayayan nakatsiyaw la xkgalhi xlatamat, tuku tlawalh xlakata xkgalhilh xtasikulunalin Jehová chu la tlan nastalaniyaw xatlan xtayat.

Akxni akxilhnitantita uma video, kaʼakxilhtit komo tlan nakgalhtinanatit umakgolh takgalhskinin: 1) ¿Tuku nitlan tlawakgolh makgapitsi ángeles, chu tiku litaxtukgolh nefilim? (Gén. 6:1, 2, 4.) 2) ¿Tuku xlakata latamanin lu nitlan tsukukgolh likatsikgo chu la akxilhli Dios? (Gén. 6:4-6.) 3) ¿Tuku tlawalh pi Noé ni chuna xwa la amakgapitsin? (Gén. 6:22.) 4) ¿La kamalakgsputuka nixatlan latamanin? (Gén. 6:17.) 5) ¿La xlilanka xwanit arca? (Gén. 6:15.) 6) ¿Tuku atanu tlawalh Noé, chu la kgalhtinankgolh latamanin? (Mat. 24:38, 39; 2 Ped. 2:5.) 7) ¿La talit pulakatunu animal tamaknulh kʼarca? (Gén. 7:2, 3, 8, 9.) 8) ¿La xlilhuwa kilhtamaku senalh chu la xlilhuwa kilhtamaku chuchut xlitatsamanit Katiyatni? (Gén. 7:11, 12; 8:3, 4.) 9) ¿Tuku xlakata Noé chu xfamilia lakgtaxtukgolh? (Gén. 6:18, 22; 7:5.) 10) ¿Niku tawilacha arca? (Gén. 8:4.) 11) ¿La katsilh Noé pi tlan xtaxtulh kʼarca? (Gén. 8:6-12.) 12) ¿Tuku tlawalh Noé akxni taxtulh? (Gén. 8:20-22.) 13) ¿Tuku limasiyalh chamakxkulit? (Gén. 9:8-16.) 14) ¿Tuku kilhchani “ni makgxtakgkan Dios”? (Gén. 6:9, 22; 7:5.) 15) ¿Tuku kilitlawatkan xlakata naʼakxilhaw Noé kParaíso? (Mat. 28:19, 20; 1 Ped. 2:21.)

¿La kinkamakgtayayan tuku masiya Biblia xlakata la Noé ni makgxtakgli Dios chu kgalhakgaxmatli, xlakata akinin “ni namakgxtakgaw Dios” chu tlan nalipawanaw pi xla kgalhi litliwakga xlakata nakalakgmaxtu xlakskujnin xala uku? (Gén. 7:1; Prov. 10:16; Heb. 11:7; 2 Ped. 2:9.)