Talakaskin nalimaxtuyaw kilhtamaku nalakapastakaw xlakata tlakg nalichuwinanaw Dios
1. ¿Tuku makgtayalh Jesús xlakata chuntiya xlichuwinalh xalakwan xalaksasti?
1 Jesús xkamapaksama tatatlanin chu xkamaxtunima demonios latamanin chu xtatsuku kakgotanun asta katsisni. Akxni kstalaninanin ni takgskgolh lichali tsisa, tsukukgolh putsakgo niku xwi chu akxni tekgskgolh wanikgolh: «Paks putsakgoyan», xwanimakgo pi xlakaskinkgo chuntiya xtlawalh milagros. Pero xlakata Jesús wa xlichuwinamputun xalakwan xalaksasti, kakgalhtilh: “Kaw antani lakatsu kachikin, lakimpi na nakmakgawaniy tachuwin anta; sampi wa yuma kliminit”. ¿Tuku makgtayalh xlakata ni kaj wa xlichuwinalh xalakwan xalaksasti? Lu tsisa xtaki xlakata xlakapastakli chu xtlawalh oración (Mar. 1:32-39). Chu akinin, ¿la kinkamakgtayayan nalakapastakaw?
2. ¿Tuku tlan nalakapastakaw xlakata chuntiya lhuwa nalichuwinanaw Dios?
2 ¿Tuku kililakapastakatkan? Jesus akxilhli pi latamanin «xtachuna xIamakgo lantla kgamputum kalhniIu wanti lhtuj makgaxtakgkgokanit, ni kgalhikgoy xpuchinakan ti namakgtakgalhkgoy» (Mat. 9:36). Nachuna, akinin tlan nalakapastakaw la xlilhuwa maklakaskinkgo latamanin nakalitachuwinankan xalakwan xalaksasti chu xlakata xaʼawatiya kilhtamaku lamaw (1 Cor. 7:29). Tlan nalakapastakaw tuku tlawanit chu la xtayat Jehová, xlakata xTatayananin akinin chu xlakata lhuwa tuku kinkamasiyaninitan xTachuwin nema latamanin nina katsikgo (Sal. 77:11-13; Isa. 43:10-12; Mat. 13:52).
3. ¿Tukuya hora tlan nalakapastakaw?
3 ¿Tuku hora? Chuna la xtlawa Jesús, wi tiku tsisa takikgo, akxni nitu nakamalaktlawi. Amakgapitsi, kkatsisni lakapastakkgo tuku xla Dios, akxni nina lhtatakgo (Gén. 24:63). Pero maski lhuwa taskujut kgalhiyaw, tlan nalimaxtuyaw kilhtamaku xlakata chuna natlawayaw. Makgapitsi chuna tlawakgo akxni amakgo kputlaw, amakgapitsi na lakapastakkgo akxni wayankgonit. Lhuwa natalan akxilhkgonit pi komo nalakapastakkgo tuku xla Dios akxni nina ankgo lichuwinankgo, tlakg kamakgtaya xlakata tlakg nalichuwinankgo chu liwana nakawanikgo.
4. ¿Tuku xlakata kililakapastakatkan tuku xla Dios?
4 Akxni lakapastakaw tuku xla Dios chu tlawayaw oración, natlawa pi naskujnaniputunaw Jehová, nakatsiyaw la skujnaniputunaw chu chuntiya nalichuwinanaw. Jesús, xaPuxku ksKujni Dios makgtayalh xlakata xlakapastaka tuku xla Dios, akinin tlakg nakinkamakgtayayan.