La tlan nawanaw akxni nalichuwinanaw Dios

La tlan nawanaw akxni natsukuyaw limakgalhtawakgananaw xapulana sábado xla enero

«Lhuwa latamanin tanu tanu wankgo xlakata Dios. Makgapitsi kanajlakgo xlakata nila ti lakgapasa. Chu amakgapitsin, wankgo pi chatum tlat xapaxkina. Chu wix, ¿tuku lakpuwana xlakata la likatsi Dios?» Kamaxki talakaskin nakgalhtiyan. Alistalh kamasiyani xaʼawatiya página nema limin revista Makatsinina 1 xla enero chu katalikgalhtawakga xapulana takgalhskinin chu kamasiyani maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.

Makatsinina 1 xla enero

«Kkalitachuwinamaw kintalakatsukan xlakata tuku lu nitlan anan: linin. Akxni niy tiku lu paxkiyaw wa uma tuku lu nitlan titaxtuyaw. ¿Tuku lakpuwana wix? [Kamaxki talakaskin nakgalhtinan.] Kilhuwakan lu tlan kinkamamakgkatsinitan uma tachuwin [kalikgalhtawakga Isaías 25:8]. Uma revista lichuwinan pi Dios namasputu linin chu nakamalakastakwani tiku nikgonita tiku xkapaxkiyaw.»

¡Despertad! Enero

«La uku familias titaxtumakgolh lhuwa taʼakglhuwit nema ni xʼanan makgasa. ¿Tuku lakpuwana pi maklakaskinkgo xlakata tliwakga chu makxtum natawilakgo familias? [Kamaxki talakaskin nakgalhtinan.] Kakxilhti tuku wan uma proverbio xalak Biblia tuku talakaskin [kalikgalhtawakga Proverbios 24:3]. Lhuwa latamanin akxilhkgonit pi tlan lipawankan tastakyaw nema limin Biblia. Uma revista limin akgtum sitio xla Internet niku lhuwa limin tamakatsin chu lichuwinan tuku wan Biblia nema kamakgtaya putum familia.»