Invitación nema lu xlakaskinka
1. ¿Tuku kilhtamaku natsukuyaw makgpitsiyaw invitación xla lanka tamakxtumit xaʼakgtutu kilhtamaku chu xaʼakgtati kilhtamaku kata 2014?
1 Komo nakatlawaniyaw lu tlan liwat kiʼamigoskan o kimparienteskan nema lhuwa kilhtamaku xlimaxtuw chu tumin, lu xatapaxuwan xkawaniw. Nachuna, lhuwa kilhtamaku limaxtukanit tuku nakinkamasiyanikanan klanka tamakxtumit xaʼakgtutu chu xaʼakgtati kilhtamaku kata 2014. Akxni akgtutu semanas tsankga xlakata natawila lanka tamakxtumit, nakgalhiyaw talakgalhaman xlakata nakawaniyaw amakgapitsin latamanin nakinkatatamakxtumikgoyan. ¿Tuku nakinkamakgtayayan xatapaxuwan natlawayaw?
2. ¿Tuku nakinkamakgtayayan xlakata tlakg namakgmastayaw invitaciones?
2 Komo liwana nalakapastakaw la nakinkamakgtayayan tuku natalichuwinan klanka tamakxtumit nema kinkamaxkiyan Jehová, uma nakinkamakgtayayan xlakata tlakg nalimaxtuyaw kilhtamaku namastayaw invitaciones (Is. 65:13, 14). Nachuna, kililakapastakatkan pi uma campaña lu tlan kitaxtu kata kata. Makgapitsi tiku nakamaxkiyaw invitaciones nakinkatatamakxtumikgoyan. Maski lhuwa o ni lhuwa naʼankgo, tuku natlawayaw namalanki Jehová chu nalitasiya pi lhuwa tuku kinkamaxkiyan (Sal. 145:3, 7; Apoc. 22:17).
3. ¿La namakgpitsiyaw invitaciones?
3 Kʼakgatunu congregación lakgkgolotsin nalakkaxwilikgo la natlawakan xlakata tlakg natamakgpitsi invitaciones, chu komo namakgxtakgkan kchiki niku niti wi o anta namastakan akxni nalichuwinankan Dios ktiji. Sábados chu domingos akxtum natamastakan revistas invitación akxni tlan nawan. Komo xapulana sábado lakgchan campaña, wata invitaciones namastayaw chu ni kaj naputsayaw tiku nakamakgalhtawakgeyaw. Akxni nasputa campaña lu napaxuwayaw xlakata xatapaxuwan makgtayanaw chu lhuwa latamanin kamaxkiw invitación xlakata nakinkataʼankgoya ktamakxtumit nema kinkamaxkiyan Jehová.