Kalimaklakaskiw xasasti tratado sitio xla Internet jw.org

Uma tratado wanikan ¿Niku natekgsa xtakgalhtin xalaktuwa takgalhskinin xla latamat? Akgtutu takgalhskinin nema limin tratado wi kxaʼawatiya página. Akxni natachuwinana chatum lataman, kakgalhskinti tuku takgalhskinin tlakg lakgati chu kamasiyani la natekgsa xtakgalhtin anta ksitio xla Internet anta niku wan TUKU MASIYA BÍBLIA > TAKGALHSKININ XLAKATA BIBLIA. Na natekgsa xtakgalhtin la uma: «¿Tuku xTamapakgsin Dios?» chu «¿Tuku natlawa xTamapakgsin Dios?».

Putum kilhtamaku kalipi makgapitsi tratados, chuna nakalimakgtayaya latamanin nakatsikgo tuku wan Biblia, xlakata stlan kilhtamaku nema aku mima niku nalipaxuwayaw xlakata xtamapakgsin Dios.