Tlakg kakatsini la nalichuwinana Dios: la nalitachuwinana Dios tiku chuwinan atanu tachuwin

Tuku xlakata xlakaskinka. Jehová lakaskin pi putum latamanin kakamakgtayaka xlakata tlan nalakgapaskgo (Hech. 10:34, 35). Jesús wa pi xalakwan xalaksasti xʼama talichuwinan «kputum katiyatni» chu «kputum laklanka kachikinin» (Mat. 24:14, Traducción del Nuevo Mundo, TNM). Zacarías lichuwinalh pi latamanin xalak «tipalhuwa xtachuwinkan» xliputum kachikinin xʼamakgolh makgamakglhtinankgo tamakatsin (Zac. 8:23). Chu tuku akxilhli apóstol Juan, tiku nalakgtaxtukgo klanka takatsanajwat wa latamanin «lantla ni ntipalit kilhtsukut anan, chu nti xalanin xlikatlanka nkatuxawat, chu ni ntipalit xtachuwinkan nkgalhikgoy» (Apo. 7:9, 13, 14). Xlakata tuku akxilhwi, komo nakatekgsaw tiku chuwinankgo atanu tachuwin niku lichuwinanaw Dios, kililakputsatkan la natlawayaw xlakata nakalitachuwinanaw Biblia.