Xlakata tlan makgalhtawakgenanin nawanaw talakaskin liwana namakgatawakgayaw

Jesús max makgtiy kgalhskinka watiya takgalhskinin xlakata latamat nema ni kgalhi lisputni. Pulakatunu, ni watiya takgalhtin kamaxkilh, xlakata tanu tanu tuku xlakaskinkgo tiku katachuwinalh (Luc. 10:25-28; 18:18-20). Wa xlakata, maski lakgapasawa tema nema natalikgalhtawakgayaw, talakaskin liwana namakgatawakgayaw chu nalakapastakaw tuku maklakaskin. ¿Tuku tuwa akgatekgsa o makgamakglhtinan? ¿Tukuya versículos nema limin párrafos talakaskin nalikgalhtawakgayaw? ¿La xlilhuwa nakgalhtawakgaya? Max talakaskin nalilakapastakaw akgtum liʼakxilhtit, tuku namakgatekgsniyaw o takgalhskinin nema namakgtaya naʼakgatekgsa lección. Na kilikatsitkan pi wa Jehová tiku mastaka talhtsi nema chanka kxnakujkan latamanin. Wa xlakata talakaskin naskiniyaw pi kasikulunatlawalh tiku makgalhtawakgemaw, nachuna la makgatawakgayaw akxni nina anaw makgalhtawakgenanaw chu la liskujaw xlakata kamakgtayayaw kastakli xtakanajlakan (1 Cor. 3:6; Sant. 1:5).