Kalilakapastaktit xpuskat Lot

¿Tuku xlakata talakgaspitli xpuskat Lot akxni xtsalataxtuma kSodoma? Biblia ni wan (Gé 19:17, 26). Tuku wan pulana, masiya pi max nitlan limakgkatsilh akxni lakapastakli tuku x’akgxtakgwilima (Lu 17:31, 32). ¿Tuku kilitlawatkan xlakata ni namakgatsankgayaw xlitlan Dios chuna la akgspulalh xpuskat Lot? Ni kilimastatkan talakaskin pi tuku kgalhiyaw, wa tuku tlakg xlakaskinka nalitaxtu kkilatamatkan (Mt 6:33). Jesús masiyalh pi nila «xlakskujnin Dios chu xlakskujnin Tumin» nalitaxtuyaw (Mt 6:24). Wa xlakata, ¿tuku kilitlawatkan komo akxilhaw pi xlakata lhuwa tuku kgalhiputunaw nialh kgalhiyaw kilhtamaku natlawayaw tuku xla kintakanajlakan? Kaskiniw Jehová pi kakinkamakgtayan naʼakxilhaw tuku talakgpalit kilitlawatkan chu kakinkamakgtayan ni napekuanaw chu natlawayaw tuku kilitlawatkan.

AKXNI AKXILHNITATA PULAKTUTU VIDEO KALILAKAPASTAKTIT XPUSKAT LOT, KAKGALHTI UMAKGOLH TAKGALHSKININ:

• 

  ¿La lakgpalilh xtalakapastakni, xtachuwin, chu xtayat Gloria xlakata amakgapitsin xafuerza tlawakgolh lhuwa tumin xtlajalh?

• ¿Tuku kinkamasiyaniyan xpuskat Lot?

• ¿La kamakgtayalh xtastakyaw Biblia Joel chu xfamilia?

• Xlakata Ana akxtum xkatala tiku xkataskuja, ¿la xlaktlawama la xtalalin Jehová?

• ¿Tuku xlakata talakaskin ni napekuana akxni namafuerzajliniputunkana pi tlakg xlakaskinka kaʼakxilhti tumin?

• ¿Tuku tlawakgolh Benito chu Gloria xlakata pulana xwiliparakgolh Jehová?

• ¿Tuku tastakyaw xalak Biblia masiyakan kʼuma video?