Xatlan taskujut nema Dios putum kilhtamaku lakapastaka

Akxni skujniyaw Jehová, kimputumkan tlan wi tuku natlawayaw nema putum kilhtamaku nalakapastakkan. Chuna la chatum xapaxkina tlat, putum kilhtamaku lakapastaka tuku xkamanan tlawakgo xpalakata, Jehová na lakapastaka tuku tlan tlawayaw chu tapaxkit nema limasiyaniyaw xtukuwani (Mt 6:20; Heb 6:10). Xlikana, tanu tanu tuku katsiniyaw tlawayaw o tuku titaxtuyaw. Pero komo naliskujaw natlawayaw putum tuku matlaniyaw xlakata naskujnaniyaw Jehová, napaxuwayaw (Gál 6:4; Col 3:23). Chuna la titaxtunit kilhtamaku, lhuwa natalan skujkgonit kBetel. ¿Na tlan chuna natlawayaw? Komo nila chuna tlawayaw, ¿tlan wi tiku xmaʼakgpuwantiniw chuna natlawa? O ¿tlan xmakgtayaw tiku skujmaja kBetel xlakata chuntiya anta kskujli?

AKXNI AKXILHNITATA VIDEO ¿TUKU MILITLAWAT XLAKATA NASKUJA KBETEL?, KAKGALHTI UMAKGOLH TAKGALHSKININ:

• ¿Tuku xlitlawat pi naskujputunaw kBetel?

• ¿Tuku wankgo makgapitsi xlakata tasikulunalin nema makglhtinankgonit xlakata skujmakgo kBetel?

• ¿Tuku xlitamakgatsit xlakata naskujkan kBetel?

• ¿Tiku tlan natachuwinana o tuku naskina komo pimputuna skuja kBetel?