Chuntiya kalilakpuwantit putum umakgolh

¿Tuku uma nema nalilakpuwanaw? Filipenses 4:8 kinkawaniyan pi kalilakpuwaw tuku xaxlikana, tuku xlakaskinka, tuku xaʼakgstitum, tuku skulunku, tuku tlawa pi latamanin napaxkinankgo, tuku maxkikan kakni, tuku xatlan, chu tuku lakgchan pi latamanin namalankikgo. Uma ni wamputun pi kstalaninanin Cristo putum kilhtamaku kajwatiya lilakpuwankgo tuku wan Biblia. Pero talakaskin pi tuku lakpuwanaw namakgapaxuwa Jehová. Ni kililakpuwanatkan tuku ni kinkamakgtayayan chuntiya naskujnaniyaw Jehová (Sl 19:14).

Tuwa kinkakitaxtuniyan nalakgmakganaw nixatlan tapuwan. Ni kajwatiya talatlawayaw kintalakgalhinkan wata na talatlawayaw Satanás, «xmalana katuxawat» (2Co 4:4). Xlakata wa akgchipanit kakilhtamaku, lhuwa tuku taxtu ktelevisión, kradio chu kʼInternet lu nitlan, nachuna tuku latamanin tsokgkgo. Komo ni liwana laksakaw tuku tamaknuyaw kkintalakapastaknikan, nalaktlawa kintalakapastaknikan chu alistalh nakinkamatlawiyan tuku nitlan (Snt 1:14, 15).

AKXNI AKXILHNITANTITA VIDEO KALAKGMAKGAW TUKU TLAWA NAMAKGXTAKGAW DIOS: LILAKGASTANANKAN TUKU NITLAN, KAKGALHTI UMAKGOLH TAKGALHSKININ:

• 

  ¿Tuku xʼakxilhma tala kcelular chu la xlaktlawama xtalakapastakni?

• 

  ¿La makgtayalh Gálatas 6:7, 8 chu Salmo 119:37?