TUKU LHUWA XTAPALH XALAK BIBLIA | GÉNESIS 15-17
¿Tuku xlakata Jehová kalakgpalinilh xtukuwanikan Abrán chu Sarái?
Jehová liʼakxilhli Abrán la tiku lakatitum lilh xlatamat. Akxni tlakg litachuwinalh xlakata tamalaknun nema xtlawaninit, na lakgpalinilh xtukuwani Abrán chu Sarái chu kamaxkilh akgtum xasasti tukuwani nema wi tuku xkilhchanima.
Chuna la xwamputun xasasti xtukuwanikan, Abrahán litaxtulh xtlat lhuwa kachikinin chu Sara litaxtulh xtse mapakgsinanin.
Abrahán
«Xtlat lhuwa latamanin»
Sara
«Princesa»
Akxni lakachinaw nila laksakaw kintukuwanikan, pero chuna la Abrahán chu Sara, tlan naliskujaw xlakata nakgalhiyaw xatlan tukuwani, uma wamputun, tlan nakinkalichuwinankanan. Akstu kakinkakgalhskinkan:
¿Tuku kilitlawat xlakata Jehová nakiʼakxilha la chatum tiku lakatitum lin xlatamat?
¿Kliskujma xlakata tlan tukuwani nakkgalhi kxlakatin Jehová?