KILATAMATKAN LA KSTALANINANIN CRISTO
Tliwakglh katayatit la uku xlakata lisputni lakatsu wi
TUKU XLAKATA XLAKASKINKA. Nialh makgas kilhtamaku, nala tuku kaks malakawaninan chu anta nalitasiya komo ni pekuanaw chu komo lipawanaw Jehová. Lanka takatsanajwat natsuku akxni namalakgsputukan ni xaxlikana takanajla (Mt 24:21; Ap 17:16, 17). Kʼuma xatuwa kilhtamaku, max nalichuwinanaw nixatlan tamakatsin (Ap 16:21). Gog xalak Magog nakinkatalatlawayan (Eze 38:10-12, 14-16). Pero Jehová namatsuki guerra «nema natlawakan klanka xkilhtamaku Dios, Tiku kgalhi putum litliwakga» (Ap 16:14, 16). Xlakata ni napekuanaw kkilhtamaku nema aku mima, talakaskin natayaniyaw tuku tuwa titaxtuyaw la uku.
LA NATLAWAYAW
Ni napekuanaw akxni natatayayaw xlimapakgsin Jehová (Is 5:20).
Akxtum nakatakakninaniyaw Jehová kinatalankan (Heb 10:24, 25).
Tunkun natlawayaw tuku kinkalimapakgsiyan xkachikin Jehová (Heb 13:17).
Nalilakpuwanaw la lakgmaxtulh Jehová xkachikin makgasa (2Pe 2:9).
Natlawaniyaw oración Jehová chu nalipawanaw (Sl 112:7, 8).
AKXNI AKXILHNITATA VIDEO NATALAKASKIN NI NAPEKUANAW AKXNI NAʼAKXILHAW TUKU AKU NALA (KAJ AKTSU), KAKGALHTI UMAKGOLH TAKGALHSKININ:
Akxni analh talakgpalit kcongregación, ¿la limasiyakgolh natalan pi kgalhakgaxmatninankgolh?
¿La tatalakxtumi kgalhakgaxmatnankan chu ni pekuankan?
¿Tuku xlakata ni kilipekuanatkan kʼArmagedón?
La uku kaliskujti xlakata kilhtamaku nema aku mima natalakaskin ni napekuana.
¿Tuku lichuwinan Biblia nema tlan namatliwakglha kintakanajlakan pi Jehová tlan nakinkalakgmaxtuyan? (2Cr 20:1-24).