KILATAMATKAN LA KSTALANINANIN CRISTO
Kamanan, ¿wa Jehová xatlan miʼamigojkan?
¿Tuku tayat lakaskina xkgalhilh miʼamigo? Max lakaskina pi nikxni namakgxtakgan, tlan nalikatsi chu xalakgalhamana nawan. Jehová chuna likatsi (Éx 34:6; Hch 14:17). Kgaxmata akxni tlawaniya oración chu makgtayayan akxni maklakaskina (Sl 18:19, 35). Chu nachuna, tapatiyan akxni wi tuku nitlan tlawaya (1Jn 1:9). ¡Lu xatlan amigo Jehová!
¿La tlan xʼamigo Jehová nalitaxtuya? Kalakgapasti akxni nalikgalhtawakgaya Biblia chu kalipawanti (Sl 62:8; 142:2). Kalimasiyani pi xlakaskinka akxilha tuku xla xlakaskinka akxilha, chuna la xKgawasa, xTamapakgsin chu xtamalaknun xlakata kilhtamaku nema aku mima. Kakalitachuwinanti amakgapitsin xlakata Jehová (Dt 32:3). Komo tlan xʼamigo Jehová nalitaxtuya, tlan nalipawana putum kilhtamaku (Sl 73:25, 26, 28).
AKXNI AKXILHNITATA VIDEO KAMANAN: «KALIʼAKXILHTIT LA JEHOVÁ LU TLAN LIKATSI», KAKGALHTI UMAKGOLH TAKGALHSKININ:
¿Tuku militlawat xlakata tlan natamakamastaniya Jehová chu natamunuya?
¿La tlan namakgtayakgoyan natalan xalak congregación xlakata tlakg tlan naskujnaniya Jehová?
¿Tuku xlakata lichuwinankan Dios matliwakglha la talalipina Jehová?
Tlan xʼamigo Jehová nawana putum kilhtamaku.
¿Tuku atanu tlan natlawaya xlakata tlakg naskujnaniya Jehová?
¿Tuku tlakg lakgatiya xpalakata Jehová?