TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kamakgkatsiw tuku makgkatsikgo
Makgkatsikan tuku makgkatsi achatum kilhchanima akgatekgskan tuku lakpuwan, tuku makgkatsi, tuku xtapalh akxilha chu tuku maklakaskin. Uma litasiya akxni kamakgtayaputunaw amakgapitsin. Komo nalimasiyayaw uma tayat akxni nalichuwinanaw Dios, limasiyamaw nawan tapaxkit nema kakgalhini Jehová latamanin, chu uma wa tuku natlawa pi xlakan nalakgapasputunkgo (Flp 2:4).
Makgkatsikan tuku makgkatsi achatum ni kajwatiya makgtanuma chuna la masiyayaw. Na makgtanuma chuna la kgaxmataw chu la chuwinanaw, chuna la likatsiyaw chu la lakawanaw akxni chuwinanaw. Chu pulaklhuwa la limasiyayaw uma: akxni xlikana lilakgaputsayaw chatum lataman, akxni kuenta tlawayaw tuku lakgati, tuku kanajla chu la tatekgsa, chu akxni stakyawayaw chu makgtayayaw, pero ni mafuerzajliyaw. Akxni tiku kalitachuwinanaw Dios makgamakglhtinankgo kintamakgtaykan, tlakg lipaxuwayaw kintaskujutkan.
AKXNI AKXILHNITATA NAWAN VIDEO KALIPAXUWA XLAKATA WI TIKU NAMAKGTAYAYA KSTALANINA CRISTO NAWAN. TLAKG LIWANA KAMAKGALHTAWAKGENAW: KAMAKGKATSIW TUKU MAKGKATSIKGO, KAKGALHTI UMAKGOLH TAKGALHSKININ:
¿La limasiyalh Rita pi makgkatsilh tuku makgkatsi achatum akxni Coral ni sokg chilh?
¿La limasiyalh Rita pi makgkatsilh tuku makgkatsi achatum akxni Coral wa pi ni xkgalhtawakgaputun xlakata lu xtlakgwanit?
Akxni limasiyayaw pi makgkatsiyaw tuku makgkatsi achatum, latamanin lakgapasputunkgo Jehová
¿La limasiyalh Rita pi makgkatsilh tuku makgkatsi achatum akxni Coral wa pi xla ni xlakkaxwili putum tuku xtlawa?