Paxtikatsiniyaw Jehová xlakata tapaxkit nema limasiyayatit

Congregación xalak Tesalónica kalimasiyanikgolh tapaxkit amakgapitsi natalan maski xlakan xtitaxtumakgo tuku lu tuwa (2Te 1:3, 4). La uku, xkachikin Jehová kxlikalanka katiyatni nachuna lalimasiyanimakgo uma tapaxkit. Artículos nema watiya tuku lichuwinankgo xla jw.org «La kmaklakaskinaw donaciones» kinkamasiyaniyan pi tumin nema xatapaxuwan mastanitantit kamakgtayanit natalan kʼuma xakatuwa kilhtamaku. Lu kkapaxtikatsiniyan xlakata mintapaxkitkan chu la xatapaxuwan maskiwinanatit.

AKXNI AKXILHNITATA NAWAN VIDEO ANKGALHIN “KPAXTIKATSINIYAW DIOS MIMPALAKATAKAN”, KAKGALHTI UMAKGOLH TAKGALHSKININ:

• ¿La maklakaskinkan donaciones nema mastayaw?

• ¿La tlakg tlan nakalimakgtayayaw tumin kinatalankan? (Kalikgalhtawakga artículo «Tiku tlakg kgalhikgo kamakgtayakgo tiku ni lhuwa tuku kgalhikgo» anta kjw.org).