Kamakglhtinanti xtamakgtay Jehová: oración

Jehová wa tiku tlawa pi xtalhtsi xaxlikana namakan xtankgaxekg chu nastaka kxnaku chatum lataman (1Co 3:6-9). Wa xlakata, komo lakaskinaw pi tlan kakinkakitaxtunin akxni lichuwinanaw Dios, kilipawanatkan pi Jehová nakinkamakgtayayan chu na nakamakgtaya kintamakgalhtawakgenkan.

Liwana kawanti kmioración tuku lakaskina. Kaskini Jehová pi kakamakgtayalh mintamakgalhtawakgen xlakata natayanikgo tuku tuwa titaxtukgo kxlatamatkan (Flp 1:9, 10). Kaskini pi xʼespíritu santo kapulalilh mintalakapastakni chu tuku tlawaya (Lu 11:13). Kakamasiyani mintamakgalhtawakgen la natlawakgo oración chu kakamakgpuwantini xlakata na natlawakgo. Akxtum kakatatlawa oración, kakapalakaskinti kmioración chu kakamapakuwi.

AKXNI AKXILHNITATA NAWAN VIDEO KALIPAXUWA XLAKATA WI TIKU NAMAKGTAYAYA KSTALANINA CRISTO NAWAN. KAMAKGAMAKGLHTINAW XTAMAKGTAY JEHOVÁ: ORACIÓN, KAKGALHTI UMAKGOLH TAKGALHSKININ:

• ¿Tuku tuwa titaxtulh Rita akxni xlimakgalhtawakgema Biblia Coral?

• ¿La makgtayalh Rita 1 Corintios 3:6?

• ¿La lakkaxlalh taʼakglhuwit?