¿La tlan tlakg naskujnanikgo Dios natalan lakpuskatin?

Natalan lakpuskatin lhuwa tuku tlawakgo xpalakata Tamapakgsin (Sl 68:11). Xlakan lhuwa tiku kamakgalhtawakgemakgolh, chu lhuwa precursores nema anankgo wa natalan lakpuskatin. Lhuwa natalan lakpuskatin skujkgo chuna la betelitas, misioneras, makgtlawakgo Pukgalhtawakga, o makgmatitaxtikgo likgalhtawakga kʼatanu tachuwin. Chu natalan lakpuskatin tiku tliwakga kgalhikgo xtakanajlakan lu makgtayakgo xfamiliajkan chu congregación niku tapakgsikgo (Pr 14:1). Maski natalan lakpuskatin nila litaxtukgo la lakgkgolotsin o siervos ministeriales, tlan atanu tuku naliskujkgo xlakata nalakgchankgo. Wa xlakata, wix tala puskat, ¿tuku tlakg tlan natlawaya xpalakata Jehová?

• Naliskuja xlakata nakgalhiya laktlan tayat (1Ti 3:11; 1Pe 3:3-6).

• Nakamakgtayaya amakgapitsi natalan tiku nina lhuwa tuku katsinikgo (Tit 2:3-5).

• Tlakg tlan chu tlakg lhuwa kilhtamaku nalichuwinana Dios.

• Kakatsini atanu tachuwin.

• Kapit niku tlakg talakaskin tiku nalichuwinankgo Dios.

• Tlan natamaknuya misolicitud xlakata napina makgtayanana kBetel o niku tlawakan kimpukgalhtawakgakan.

• Tlan natamaknuya misolicitud xlakata tlan napina kʼEscuela xla Tiku lichuwinankgo xTamapakgsin Dios.

AKXNI AKXILHNITATA NAWAN VIDEO «LAKPUSKATIN TIKU LU SKUJNANIMAKGOLH MALANA», KAKGALHTI UMA TAKGALHSKININ:

• ¿La makgpuwantinikgon umakgolh natalan lakpuskatin?