Precursor kalitaxtu

Akxni wi tuku lakkaxwiliyaw nalakgchanaw chuna la skujnanimaw Jehová kinkamakgtayayan liwana namaklakaskinaw kilitliwakgakan chu kilhtamaku nema ananku xlakata nina min xlisputni uma kakilhtamaku (1Co 9:26; Ef 5:15, 16). Akxni kakninaniyatit Dios kfamilia, kalichuwinantit tuku tlan nalakgchipinatit chuna la naskujnaniyatit Dios kkata 2023. Kʼuma likgalhtawakga natekgsatit lhuwa artículos nema lichuwinan tuku tlan nalakkaxwiliyatit xlakata nalakgchipinatit akxni tlawanitantita nawan oración (Snt 1:5).

Akgtum liʼakxilhtit, ¿tlan putum xmakgtayanantit xlakata maski kaj chatum tiku xalak familia precursor regular xlitaxtulh? Chu, komo wix pekuana xlakata ni namakgatsiya mihora, kakatachuwinanti makgapitsi precursores tiku nachuna titaxtumakgolh chuna la wix (Pr 15:22). Akxni kakninaniyatit Dios kfamilia, max tlan natlawaniya makgapitsi takgalhskinin chatum precursor chu katsokgwili hora nema lakpuwana pi tlan namakgtayayan. Nachuna, komo precursor xlitaxtuya makgasa, ¿tlan xlakkaxwili minkilhtamaku xlakata precursor xlitaxtupara? Max la uku tlan namatlaniya.

¿Tlan maski kaj chatum tiku xalak familia precursor auxiliar nalitaxtu akgtum o akglhuwa papaʼ? Komo ni kgalhiya lhuwa litliwakga, tlan nalichuwinana Dios maski kaj tsinu akgatunu kilhtamaku. Chu, komo taskujut o escuela ni maxkiyan kilhtamaku nalichuwinana Dios xʼitat semana, max tlan precursor nalitaxtuya kpapaʼ akxni anan vacaciones o akxni papaʼ limin akgkitsis sábados chu domingos. Katsokgwili kmaktum calendario papaʼ akxni precursor auxiliar litaxtuputuna chu katsokgwili tuku hora namatlaniya (Pr 21:5).

AKXNI AKXILHNITATA NAWAN VIDEO NI KAPEKUANTIT... PRECURSORES, KAKGALHTI UMAKGOLH TAKGALHSKININ:

• ¿La kuentajtlawalh Jehová tala puskat tiku wanikan Aamand? ¿Tuku kinkamasiyaniyan uma?