Xlakaskinka campaña xlakata namatsukikan akgtum takgalhtawakga xalak Biblia papaʼ septiembre

Papaʼ septiembre, lu naliskujaw xlakata nakamalaknuniyaw akgtum takgalhtawakga putum latamanin chu nalimaklakaskinaw folleto Kalipaxuwa latamat. Uma papaʼ tlan precursor auxiliar nalitaxtuya chu kaj 30 horas tlan namastaya. ¿La natlawayaw uma campaña?

• Akxni xapulana wi tiku natachuwinana. Kamaklakaskinti tuku limin kxaʼawatiya página xla folleto xlakata lataman tlakg nakatsiputun chu kamasiyani la tatlawa akgtum takgalhtawakga xalak Biblia. Ni kakapatsankga tiku limasiyakgolh pi tlakg xkatsiputunkgo, akgtum liʼakxilhtit revisitas. Asta tiku pulana ni xkgalhtawakgaputunkgo, max la uku nalakgatikgo xasasti folleto chu la limakgalhtawakgenanaw. Ni katimakgxtakgwi folletos kchiki niku ni wilaka chu na ni katimalakgachaniw akxni wi tiku tsokgnaniyaw carta komo ni limasiyalh pi tlakg katsiputun. Comité de Servicio xalak Congregación tlan nalakkaxwili tamakxtumit xlakata tlakg natalichuwinan Dios kʼuma papaʼ.

• Atanu kilhtamaku. Komo congregación lichuwinan Dios kcarritos, nawilikgo folleto Kalipaxuwa latamat. Komo chatum lataman tlakg katsiputun xlakata folleto, kawani pi na tlan namakglhtinan akgtum takgalhtawakga xalak Biblia nema ni taxokgo. Tlan nalitachuwinana la tatlawa akgtum takgalhtawakga o atanu kilhtamaku tlan namasiyaniya. Superintendente xla servicio tlan nakawani makgapitsi natalan tiku tlakg katsinikgo la lichuwinankgo Dios pi kaʼankgolh malaknukgo akgtum takgalhtawakga xalak Biblia niku stanankan. Chu, akxni nalitachuwinana Dios tiku taskuja o tapina kʼescuela na kamalaknuni akgtum takgalhtawakga.

Jesús kinkawanin pi kamakgalhtawakgenaw chu kamasiyaw (Mt 28:19, 20). Lakaskinaw pi kʼuma xlakaskina campaña nema namaklakaskinaw folleto Kalipaxuwa latamat kakinkamakgtayan xlakata tlan namakgalhtawakgenanaw.