La tlan liwana namaklakaskinaw libro Kalipaxuwa latamat

Lu lakgatiyaw videos chu takgalhskinin nema limasiya tuku lakpuwankgo tiku kamakgalhtawakgemaka nema min klibro Kalipaxuwa latamat. Na lu makgtayanan recuadros «Makgapitsin wankgo», «Katlawa uma» chu «Tlakg kakatsini». Pero ¿tuku atanu tlan namakgtayayan akxni limakgalhtawakgenana uma libro? (Mateo 28:19, 20).

Multimedia. Komo maklakaskina libro nema taʼimprimirlinit, ¿wi niku natekgsa putum multimedia nema namaklakaskina? Chuna, kapit kʼedición digital niku naʼakxilha pulaktati sección chu kalaksakti pulaktum. Xpakgalhu natekgsa niku wan «Multimedia», niku min putum videos chu enlaces xla akgatunu takgalhtawakga (dibujo 1).

Na tlan namaklakaskina «Edición impresa». Komo akxni makgalhtawakgenampat maklakaskimpat edición digital chu katsiputuna la tasiya libro xakapsnat, na tlan namaklakaskina «Edición impresa», lu namakgtayayan. Akxni akxilhpat akgtum takgalhtawakga, kapit niku wilakgolh akgtutu puntos nema wi kpakgastakat chu kalaksakti niku wan «Edición impresa». Chuna la tasiya uma tlan namakgtayayan nalilakpuwana la tatalakxtumi xtema takgalhtawakga nema katsinipat. Xlakata tlan naʼakxilhparaya edición digital, kapimpara niku wilakgolh akgtutu puntos chu kalaksakti niku wan «Edición digital» o kapita tuku xastilili wi kpakgalhu anta kpakgastakat.

«¿Tlantiya?». Umakgolh recuadros natekgsa niku sputa sección 4 chu masiya tuku xlitamakgatsit xlakata tlan akxtum nakalitachuwinana Dios congregación chu xlakata tlan natamunuya (dibujo 2).

Notas. Notas na tatekgsa niku sputa sección 4 chu tlakg lichuwinan temas nema lu xlakaskinka. Kʼedición digital anan akgtum enlace niku sputa akgatunu nota nema namakgtayayan tlan nataspitparaya ktakgalhtawakga nema likgalhtawakgapatit (dibujo 2).