KILATAMATKAN LA KSTALANINANIN CRISTO
Kakatsi tuku lakpuwan Jehová
Xlakata makgapaxuwaputunaw Jehová, xlakaskinka pulana nakatsiyaw pi tuku nalaksakaw namakgapaxuwa, asta maski ni anan akgtum limapakgsin niku wan tuku kilitlawatkan (Pr 27:11). ¿La tlan natlawayaw uma?
Nalikgalhtawakgayaw Biblia chali chali. Makgatunu akxni likgalhtawakgayaw Biblia, xtachuna la komo lakatsu xtawilaniw Jehová. Akxni lilakpuwanaw la Jehová likatsinilh xkachikin chu akxni kalilakpuwanaw tiku kalichuwinankan kBiblia nema tlawakgolh tuku tlan chu tuku nitlan, nakinkamakgtayayan nakatsiyaw tuku lakpuwan Jehová. Komo chuna natlawayaw, akxni wi tuku nalaksakaw, espíritu santo nakinkamakgtayayan nalakapastakaw tuku katsininitaw chu tastakyaw nema lichuwinan xTachuwin Dios (Jn 14:26).
Nalakputsananaw. Akxni wi tuku nina laksaka, kalakpuwanti: «¿Tuku textos xalak Biblia tlan nakimakgtaya xlakata nakkatsi tuku lakpuwan Jehová?». Kaskini xtamakgtay Jehová chu kalimaklakaskinti likgalhtawakga nema wi kmintachuwin xlakata natekgsa tastakyaw nema namakgtayayan chu kalilatapa (Sl 25:4).
AKXNI AKXILHNITATA NAWAN VIDEO NI NATAXLAJWANIYAW AKXNI NAKGOSNANAW. LIWANA KAWAYAW, KAKGALHTI UMAKGOLH TAKGALHSKININ:
¿Tuku tuwa xtitaxtuma tsumat tiku tasiya kvideo?
¿La namakgtayayan likgalhtawakga nema kgalhiyaw xlakata natayaniya tuku tuwa xtachuna tuku xtitaxtuma uma tsumat?
¿La nakinkamakgtayayan komo nalimaxtuyaw kilhtamaku nakgalhtawakgayaw chu nalakputsananaw akxni wi tuku nina laksakaw? (Heb 5:13, 14).