KILATAMATKAN LA KSTALANINANIN CRISTO

Kalimasiyaw tapaxkit nema ni makgxtakgnan chuna la tlawa Jehová

Jehová kinkawiliniyan tlakg xatlan li’akxilhtit xlakata la nalimasiyayaw tapaxkit nema ni makgxtakgnan (Sl 103:11). Uma tapaxkit ni kaj puntsu makgapala, wata kilhchanima lu paxkinankan chu ni makgxtakgnankan. Pulaklhuwa chuna la Jehová kalimasiyanilh israelitas tapaxkit nema ni makgxtakgnan. Kalakgmaxtulh k’Egipto chu kamaxkilh tiyat nema xkawaninit pi nakamaxki (Sl 105:42-44). Litalatlawanalh xkachikin chu makglhuwa katapatilh (Sl 107:19, 20). Akxni lilakpuwanaw chuna la Jehová «limasiyanit xtapaxkit nema ni makgxtakgnan», kinkamakgpuwantiniyan nachuna natlawayaw (Sl 107:43).

Dibujos nema tasiya kvideo «Kalilakpuwaw la Jehová limasiyanit tapaxkit nema ni makgxtakgnan». 1. Ben chu achatum tala lakgapaxialhnankgo chatum tala puskat. 2. Ben katatanuma amakgapitsi xtatayananin Jehová kpulachin chu maxkimakgo liwat chatum tala tiku tatatla chu nila taki.

AKXNI AKXILHNITATA NAWAN VIDEO KALILAKPUWAW LA JEHOVÁ LIMASIYANIT TAPAXKIT NEMA NI MAKGXTAKGNAN, KAKGALHTI UMAKGOLH TAKGALHSKININ:

¿La tlan nalimasiyayaw tapaxkit nema ni makgxtakgnan?

Mintakgalhtin
¿Tuku xlakata namin kilhtamaku natalakaskin wi tuku nalimakgxtakgaw xlakata nalimasiyayaw tapaxkit nema ni makgxtakgnan?

Mintakgalhtin