Dios kakuentajtlawama tiku akgatapa
Kxlikalanka katiyatni anankgo 70 millones tiku akgatapa, chu anan liwaka 200 tanu tanu lengua de señas nema maklakaskinkgo. Lu nitlan, pero lhuwa umakgolh latamanin nitlan kalikatsinikan kaj xlakata akgatapakgo. Wa uma tuku nitlan titaxtukgo:
«Kxlikalanka katiyatni ni kakuentajtlawakan tiku akgatapa» (Asociación Nacional de Sordos xalak Estados Unidos).
«Latamanin tiku akgatapa lu lakglimaxkgenin. Ni lu kamakgtayakan xlakata naʼankgo kʼescuela, ni tekgskgo taskujut chu kalakgmakgankan» (Federación Mundial de Sordos).
¿Tuku lakpuwan Dios xpalakatakan tiku akgatapa? ¿Tuku wan Biblia? ¿Tuku tlawamakgolh xtatayananin Jehová xlakata nakamakgtayakgo?
¿La kaʼakxilha Dios tiku akgatapa?
Biblia masiya pi Jehováa kalilakgaputsa tiku akgatapa. Lakaskin pi tlan nakalikatsinikan chu nalitamakgtayakgo tamasiy nema xla masta.
Tuku wan Biblia: «Ni lixkajnit kawani chatum tiku ni kgaxmata» (Levítico 19:14).
Tuku kilhchanima: Limapakgsin nema Jehová kamaxkilh kachikin Israel, xkakuentajtlawa tiku akgatapa.
Tuku wan Biblia: «Dios ni laksakpaxkinan» (Hechos 10:34).
Tuku kilhchanima: Jehová kalilakgaputsa putum latamanin, maski tanu tanu xkilhtsukutkan chu xtachuwinkan, asta kalilakgaputsa tiku akgatapa.
Tuku wan Biblia: «Jesús tsukulh latapuli kxliputum kachikinin chu laktsu kachikinin […], xlichuwinama xatlan tamakatsinin xla Tamapakgsin» (Mateo 9:35).
Tuku kilhchanima: Jesús milh kKatiyatni xlakata namasiya xlakata xTamapakgsin Dios chu tuku natlawa uma Tamapakgsin xpalakata latamanin, asta tiku akgatapa (Mateo 6:10).
Tuku wan Biblia: Jesús tlawalh pi tiku akgatapa tlan nakgaxmata chu tiku kgokgo tlan nachuwinan (Marcos 7:37).
Tuku kilhchanima: Jesús limasiyalh pi xTamapakgsin Dios natlawa pi tiku akgatapa tlan nakgaxmata chu tlan nachuwinan. Akgtum kilhtamaku, Jesús limaklakaskilh señas xlakata natachuwinan chatum chixku tiku ni xkgaxmata, chu alistalh makuchilh xlakata tlan xkgaxmatli chu xchuwinalh (Marcos 7:31-35).
Tuku wan Biblia: «Xtakgenkan tiku akgatapa nakgaxmatkgo» (Isaías 35:5).
Tuku kilhchanima: Jehová malaknu pi tiku akgatapa nakgaxmatkgo (Isaías 29:18).
¿Tuku tlawamakgolh xtatayananin Jehová xlakata nakamakgtayakgo tiku akgatapa?
Kxlikalanka Katiyatni, xtatayananin Jehová kamasiyaniyaw tiku akgatapa takgalhkgalhin nema Dios masta. ¿La tlawayaw? Kgalhiyaw Biblia xavideo chu atanu videos nema kinkamakgtayayan naʼakgatekgsaw Biblia, umakgolh videos wilakgolh kliwaka akgtum ciento lengua de señas. Nachuna, malaknuyaw takgalhtawakga xalak Biblia chu kgalhiyaw tamakxtumit klengua de señas, chu ni kmatajinanaw xlakata uma. ¿Chu tuku xlakata ni kmatajinanaw? Xlakata Jesús wa:«Kaj xachunata makglhtinantit; kaj xachunata kamastatit» (Mateo 10:8).
¿Niku natekgsa umakgolh tamakgtay? Wi pulaktiy niku tlan natekgsa. Wa umakgo:
Sitio jw.org. Akxni natanuya kʼuma sitio, kapit kxpakxtu niku wan «Tachuwin» chu kalaksakti akgtum tachuwin xaseñas. Alistalh kaputsa tuku katsiputuna.
Aplicación JW Library Sign Language. Kamakti uma aplicación nema ni taxokgo kminteléfono o kmintableta xlakata tlan naʼakxilha videos ktachuwin xaseñas. Na tlan namaktiya umakgolh videos.
¿Tuku tamakgtay kgalhiyaw xlakata tlan nakatsiniyaw xlakata Biblia?
Biblia ktachuwin lengua de señas. Traducción del Nuevo Mundo klengua de señas americano wa xapulana Biblia nema tlawaka kʼuma tachuwin. Traducción del Nuevo Mundo tlawakanita xamaktumininka o kaj makgapitsi libros ktipalhuwa lengua de señas chu akgatunu kata kamatitaxtimaka kʼatanu tachuwin. (Xlakata nakatsiya la xlilhuwa tachuwin anan, kaʼakxilhti recuadro «Traducción del Nuevo Mundo klengua de señas»).
Xlakata nakatsiya tuku tlawaka xlakata xmatitaxtika Biblia klengua de señas, kaʼakxilhti video La Traducción del Nuevo Mundo completa en lenguaje de señas americano ya está disponible.
Xlakata tlan naʼakgatekgsa akxni nalikgalhtawakgaya Biblia, kamakti aplicación JW Library Sign Language. Uma aplicación namakgtayayan nalaksaka versículos xalak Biblia nema wix putsapat.
Dmytro chu Vita akgatapakgo, pero chatiy xkamanan tlan kgaxmatkgo. Kaʼakxilhti la uma familia chali chali litamakgtayakgonit Biblia klengua de señas.
Videos nema makgtayanan naʼakgatekgsa Biblia. Xtatayananin Jehová tlawakgonit videos klengua de señas nema kamakgtayakgo latamanin xlakata naʼakgatekgskgo chu nalilatamakgo xtastakyaw Biblia. ¿Tiku kamakgtaya umakgolh tastakyaw?
Takgalhtawakga xalak Biblia. Takgalhtawakga nema kmastayaw ni tuwa, wix nakatsinitilhaya chuna la matlaniya chu kmintachuwin chu mimakgalhtawakgena lu namakgtayayan. Kaskinti namakgalhtawakgekana chu kaʼakxilhti la tlawakan.
Jeson Senajonon lama kFilipinas, chu takgalhtawakga xalak Biblia nema kmastayaw makgtayalh xʼamigo Dios nalitaxtu. Kaʼakxilhti tuku lalh.
Mario Antúnez pastor xlitaxtu anta kHonduras. Kaʼakxilhti la Biblia kgalhtilh putum takgalhskinin nema xkgalhi, kxbiografia nema tapakuwi “Tenía muchas preguntas y pocas respuestas”.
Tamakxtumit chu asambleas. Tlawakan tamakxtumit klengua de señas kxlikalanka Katiyatni, niku lhuwa tiku akgatapa tamakxtumikgo xlakata nakakninanikgo chu nakatsinikgo xpalakata Jehová. Nachuna, kata kata tlawakan laklanka tamakxtumit, nema litalakgapasa asambleas, xlakata nakatsinikan xalak Biblia. Kkintamakxtumitkan chu kkiʼasambleakan wilakgo natalan tiku kamakgtayakgo tiku akgatapa chu lakgaxokgo. Nachuna kmastayaw likgalhtawakga kbraille.
Kaputsa akgtum congregación lakatsu niku wila.
Kakatsi xlakata asambleas nema tatlawa kata kata.
Kapit akxni lakapastakkan akxni tinilh Cristo, akgtum lu xlakaskinka tamakxtumit.
José Luis Ayala, tiku lama kMéxico, akgatapa lakachilh chu alistalh lakgaxokgo wa. Kaʼakxilhti la tlan makgalhtawakgena xalak Biblia litaxtulh kaj xlakata xtamakgtaykan amakgapitsin.
a Jehová wa xtukuwani Dios (Salmo 83:18). Kaʼakxilhti artículo «¿Tiku Jehová?».