Yan Zabolotnyi/stock.adobe.com
¡SKGALALH KATAWILA!
Kxlikalanka katiyatni lu talhuwinit tuku nitlan | ¿Tuku wan Biblia?
Kachikin Haití lu talhuwinit latamanin tiku nitlan likatsikgo. Lu taliwakanit tuku nitlan katlawanikan latamanin kSudáfrica, México, chu k’atanu países xalak Latinoamérica. Asta maski kkachikinin niku ni lu anan tuku nitlan, latamanin na lu kamakgapekuan pi natanukan kxchikkan.
¿Tuku wan Biblia xlakata talhuwinit tuku nitlan kxlikalanka katiyatni?
Biblia xlichuwinanit pi x’ama talhuwi tuku nitlan
Biblia lichuwinalh pi talakgaputsit chu tuku nitlan na wa x’ama limasiya “akxni xtalakatsuwilh xlisputni kakilhtamaku” (Mateo 24:3). Jesucristo lichuwinalh tuku x’ama la akxni xchilh uma kilhtamaku, chu xla wa:
«Xlakata natalhuwi tuku nitlan, tlakg lhuwa tiku nialh katilapaxkikgolh» (Mateo 24:12).
Biblia nalichuwinalh la x’amakgo likatsikgo latamanin «kxaʼawatiya kilhtamaku»: «Ni namachokgokgo tuku tlawaputunkgo, xalakluku nawankgo, ni napaxkikgo tuku tlan» (2 Timoteo 3:1-5). Umakgolh nixatlan tayat tlawa pi latamanin nialh nakgalhakgaxmatkgo limapakgsin.
Pero wi tlan tamakatsinin. Biblia malaknu pi nasputa tuku nitlan chu ta’akglhuwit.
«Nialh lhuwa kilhtamaku, chu tiku lixkajni likatsikgo nialh katitawilakgolh; nalakapina niku xwilakgo chu nialhtu wilakgo nawan. Pero tiku tlan likatsikgo wa nakamaxkikan katiyatni, chu xlikana lu lipaxuw natawilakgo» (Salmo 37:10, 11).
¿Tuku tlakg lichuwinan Biblia xlakata takgalhkgalhin nema aku mima? ¿La likatsiyaw pi tuku akxilhmaw la uku kgantaxtuma tuku Biblia lichuwinanit? Ka’akxilhti umakgolh artículos:
«La esperanza real de un mañana mejor»
«¿Tuku nalitasiya pi wilaw “kxaʼawatiya kilhtamaku” o “ksputat kakilhtamaku”?»