Kakninanikan Dios kFamilia, tema xla Calendario 2011

Xtema Calendario de los testigos de Jehová 2011 wa uma: Kakninanikan Dios kFamilia. Kcalendario limasiya la kgalhtawakgakgo lhuwa familias xala uku chu la tlawakgolh familias xala kilhtamaku akxni xtsokgmaka Biblia. Na limin makgapitsi dibujos xlakata tiku tamakgaxtokgkgonit chu ni kgalhikgo kamanan chu tiku skujnikgo Jehová nema ni tamakgaxtokgkgonit.

Tiku xlamakgo akxni xtsokgmaka Biblia nema wi kcalendario xlipaxuwakgo akxni xlikgalhtawakgakgo xlimapakgsin Jehová, chu wa kamakgtayalh xlakata tlan xtayanikgolh laklanka taʼakglhuwit (Sal. 1:2, 3). Akxni naʼakxilhaw akgatunu dibujo, nalakapastakaw pi xlakaskinka Kakninanikan Dios kFamilia, maski lanka kifamiliajkan o ni lanka, watiya takanajla kgalhikgo o ni watiya takanajla kgalhikgo. Kcalendario wi niku tlan natsokgkgo tukuya kilhtamaku nakakninanikgo Jehová kfamilia. ¿Tsokgwilitita tukuya kilhtamaku chuna natlawayatit?