¿Tuku tlan natlawaya xlakata tlakg nalitamakgtayaya akgatunu takgalhtawakga?
Kaputsa tiku tlan namakgalhtawakgeyan. Tlan nawaniya tiku maxkin uma folleto kamakgalhtawakgen o kaskinti akgtum takgalhtawakga ksitio xla internet jw.org.
PULAKTUM
Kalikgalhtawakga putum párrafos nema min niku tsuku akgatunu takgalhtawakga. Akgatunu takgalhskinin kgalhi akgtum número (A) chu xalakgtsitsakga letra wilikanit (B) tuku tlakg xlakaskinka masiya akgtum texto. Kaʼakxilhti pi makgapitsi textos limin niku wan pi kalikgalhtawakga.
PULAKTIY
Xapulana párrafo niku wan «Tlakg kalakputsananiw» lichuwinan tuku limin uma takgalhtawakga (C). Subtítulos nema kgalhikgo números lichuwinan tuku tlakg xlakaskinka pimpat katsiniya (D). Kalikgalhtawakga textos xalak Biblia, kakgalhti takgalhskinin chu kaʼakxilhti videos (E).
Kaʼakxilhti dibujos chu kalilakpuwanti tuku wan kxpakgalhu (F). Na kalakapastakti la xkgalhtinanti niku wan «Makgapitsin wankgo» (G).
PULAKTUTU
Akgatunu takgalhtawakga lisputa niku wan «Tuku katsiniw» chu «¿Tuku xkgalhtinanti?» (H). Katsokgwili tuku kilhtamaku masputu akgtum takgalhtawakga. Krecuadro niku wan «Katlawa uma» nawanikana tuku natlawaya xlakata tlakg nalitamakgtayaya uma takgalhtawakga (I). Niku wan «Tlakg kakatsini» natekgsa amakgapitsi artículos chu videos nema namakgtayayan (J).
¿La tlan natekgsa akgtum texto xalak Biblia?
Textos xalak Biblia limin xtukuwani libro xalak Biblia (A), capítulo (B) chu versículo (C). Akgtum liʼakxilhtit, Juan 17:3 wamputun pi naputsaya «libro xla Juan, capítulo 17, versículo 3».