KILATAMATKAN LA KSTALANINANIN CRISTO
Kamatliwakglhwi takanajla nema kgalhiniyaw xTachuwin Dios
Xtachuwin Dios kgalhi litliwakga xlakata nakalakgpalini xlatamatkan latamanin (Heb 4:12). Pero komo ni liwana kanajlayaw pi Biblia xlikana wa «xtachuwin Dios» ni katilitamakgtayaw xtastakyaw chu xlimapakgsin (1Te 2:13). ¿La tlan namatliwakglhaw takanajla nema kgalhiniyaw Biblia?
Chali chali nalikgalhtawakgayaw Biblia. Akxni nalikgalhtawakgayaw, kalakputsaw tuku limasiya pi wa Jehová tiku matsokgninalh. Akgtum liʼakxilhtit, kalakputsananiw libro xla Proverbios chu kaʼakxilhwi pi tastakyaw nema min anta chuntiya kinkamakgtayayan la uku (Pr 13:20; 14:30).
Kalakkaxwiliw la nalikgalhtawakgayaw. Liwana kilikatsitkan tuku limasiya pi Biblia wa Dios matsokgninalh. Xlakata tlan chuna natlawayaw, kamaklakaskiw Liputsan xla xtatayananin Jehová, kaputsaw niku wan «Biblia» chu alistalh niku wan «Matsokgninalh Dios». Nachuna, komo nalakputsananiyaw apéndice A3 xla Traducción del Nuevo Mundo nakinkamakgtayayan chuntiya nakanajlayaw pi tuku wan Biblia nitu talakgpalinit.
AKXNI AKXILHNITATA NAWAN VIDEO TUKU XLAKATA KANAJLAYAW PI... XTACHUWIN DIOS XAXLIKANA, KAKGALHTI UMAKGOLH TAKGALHSKININ:
¿Tuku masiya dibujo nema tekgska ktemplo xalak Karnak (Egipto) nema limasiya pi tuku wan xTachuwin Dios xaxlikana?
¿Tuku kinkalimasiyaniyan pi tuku wan Biblia nitu talakgpalinit?
Xlakata kgalhiyaw Biblia asta la uku, ¿tuku kinkamasiyaniyan uma? (Kalikgalhtawakga Isaías 40:8).