«Putum kinatalankan xlikalanka katiyatni»
Tachuwin nema wi ktítulo tsokgka liwaka akgtiy mil kata (1 Ped. 2:17). La uku, tlakg xlakaskinka kiliʼakxilhatkan. Pero ¿la tlan nakapaxkiyaw lhuwa natalan xlikalanka katiyatni? Kʼuma kilhtamaku nema xakstu lapaxkikgo, ¿la natlawayaw xlakata chuntiya nalapaxkiyaw? (Mat. 24:12.) Kaʼakxilhti video Putum kinatalankan xlikalanka katiyatni chu kaʼakxilhti komo tlan nakgalhtiya umakgolh takgalhskinin.
1) ¿Tukuya kilhtamaku makgtapakgsiw putum natalan kxlikalanka katiyatni? 2) ¿Tuku pulaktutu tlawamakgo putum natalan? 3) ¿La limasiyakgo natalan pi lichuwinanputunkgo Dios 1) maski lakgamakgat asta kʼAlaska, 2) puertos xalak Europa chu 3) kselvas xalak Perú? 4) ¿Tuku xlakata ni nalakpuwanaw pi lichuwinankan Dios tatalakxtumi atanu taskujut? 5) Kalichuwinanti liʼakxilhtit la xtatayananin Jehová makgtayanankgonit 1) akxni tachikilh tiyat, 2) masputunalh huracán chu 3) kʼguerra civil. 6) ¿La tlan natlawayaw xlakata nakamakgtayayaw putum natalan xlikalanka katiyatni? (Juan 13:35.) 7) ¿Tuku tlan kitaxtunit xlakata tlawakan pukgalhtawakga xla xtatayananin Jehová? 8) ¿La tayanikgolh kxtakanajlakan natalan xalak Europa oriental chu Rusia akxni nialh kamaxkika talakaskin nalichuwinankgo Dios? 9) ¿Tuku tlawakgonit xtatayananin Jehová xlakata naʼankgo klaklanka tamakxtumit chu tuku xlakata? 10) ¿La matliwakglha mintakanajla uma video xlakata 1) akxtum naskujnaniyatit Jehová, 2) nakamakgtayaya amakgapitsin akxni lu talakaskin chu 3) nalichuwinana Dios kaniwa niku lapat? 11) ¿La tlan namaklakaskina uma video xlakata namakgtayaya tiku litachuwinampat Dios?
Xlakata paxkiyaw Jehová tlawa pi makxtum natawilayaw. Wa xlakata lu kkatsiniputunaw xlakata kiDioskan chu kalitachuwinamputunaw amakgapitsin. Nachuna, kapaxkiyaw tiku Jehová kapaxki. Akxni kamakgtayayaw xlakata tuwa tuku titaxtumakgolh, ni kaj xlakata Dios wi tuku nakinkalixokgoniyan. Wata paxtikatsiniyaw xlakata makgtapakgsiyaw putum kinatalankan xlikalanka katiyatni. Lata talakatsuwima xlisputni uma katiyatni, kstalaninanin Cristo chuntiya nakalimasiyaniyaw tapaxkit putum kinatalankan xlikalanka katiyatni.