16 Tasol taim ol lain bilong yu i gat ol namba 4 lain tumbuna pikinini, orait bai ol i kam bek,+ long wanem, taim bilong mekim save long ol Amor long ol asua bilong ol i no kamap yet.”+

15 Na bai mi stap wantaim yu na bai mi lukautim yu long olgeta hap yu go long en. Na bai mi bringim yu i kam bek long dispela graun.+ Bai mi no inap lusim yu inap mi mekim olgeta samting olsem mi bin tok promis long mekim long yu.”+

29 Em i save olsem klostu nau em bai dai,+ olsem na em i singautim pikinini man bilong em, Josep, i kam na tokim em olsem: “Sapos yu laik mekim gutpela pasin long mi, orait plis putim han bilong yu aninit long tais bilong mi na mekim tok tru antap olsem yu bai mekim gutpela pasin laikim* long mi na bihainim tok bilong mi. Plis, yu no ken planim mi long Isip.+ 30 Taim mi dai,* yu mas kisim bodi bilong mi i go lusim Isip na planim mi long matmat bilong ol tumbuna bilong mi.”+ Orait Josep i bekim tok olsem: “Bai mi mekim olsem yu tok.”

13 Ol i karim em i go long graun bilong Kenan na planim em long keiv i stap long Makpela, klostu long Mamre. Abraham i bin baim dispela hap graun long Efron, em man Hit, na bai dispela graun i ken i stap olsem ples matmat bilong em.+