15 Long de man i mekim sakrifais, em i mas kaikai olgeta mit bilong dispela sakrifais bilong kamap wanbel wantaim God, em sakrifais bilong tenkyu. Em i no ken larim mit i stap inap long moningtaim long de bihain.+

29 “Sapos yupela i mekim wanpela sakrifais bilong tenkyu long Jehova,+ orait yupela i mas mekim dispela sakrifais bilong mi ken orait long yupela. 30 Yupela i mas kaikai mit bilong dispela sakrifais long de yupela i mekim dispela sakrifais. Yupela i no ken larim hap mit i stap i go inap long moningtaim long de bihain.+ Mi Jehova.

4 Inap 7-pela de, plaua i gat yis* i no ken stap long olgeta hap bilong yupela.+ Na yupela i no ken larim mit bilong animal em yupela i sakrifaisim long apinun bilong namba 1 de i stap nait olgeta inap long moning.+